Knowledge: પ્રધાનમંત્રીના સરકારી આવાસમાં જતા કેમ ડરે છે લોકો, વર્ષો પહેલા બનેલી ઘટનાએ જગાવી ચર્ચા, જાણો શું છે મામલો?

પ્રધાનમંત્રી જે સ્થળે નિવાસ કરે છે તે જગ્યા ફરી ચર્ચામાં આવી છે. અહીં આવતા લોકોએ જણાવ્યુ છે કે, આ ઘરમાં આત્માઓ વસે છે. અહીં નકારાત્મક શક્તિઓનું સામ્રાજ્ય છે. આ વાત છે જાપાનના પ્રધાનમંત્રી આવાસની. પીએમનું સત્તાવાર સરકારી આવાસ 'સોરી કેટઇ' વર્ષો સુધી ખાલી પડ્યુ હતુ. તેમાં કોઇ પીએમ વસવાટ કરવા તૈયાર ન હતા.

પીએમ હાઉસ અંગે શુ છે ચર્ચા ?

એક વર્ષ પહેલા કિશિદા તેમાં પોતાની ઇચ્છા વિરુદ્ધ રહેવા ગયા હતા. સુરક્ષા કારણોસર તેઓએ આ કાર્ય કરવું પડ્યુ હતુ. પરંતુ હકીકત એ છે કે, જાપાનના કોઇપણ પીએમ આ નિવાસસ્થાનમાં રહેવા ઇચ્છતા નથી. અને તેનું કારણ છે કે આ ઘર ભૂત બંગ્લા તરીકે ઓળખાય છે. જાપાનના પીએમ હાઉસ તોક્યોમાં પીએમ કાર્યાલયની બાજુમાં જ છે. વર્ષ 1930ના દશકમાં અહીં બે મોટા કાંડ થયા હતા. વર્ષ 1932માં પીએમ ઇનુકાઇ ત્સુયોશીની હત્યા કરવામાં આવી હતી. અને વર્ષ 1936માં વિદ્રોહી સૈનિકોએ તેના પર હુમલો કર્યો હતો. આ હુમલામાં તે સમયના પીએમ કેઇસુકે ઓકાદાના સંબંધી સહિત 4 લોકોની હત્યા કરવામાં આવી હતી.

સ્થાનિકો કહે છે 'ભૂતનુ સ્થળ'

આ ઘટના બાદ આ નિવાસસ્થાનમાં કોઇપણ રહેવા કે આવવા પણ તૈયાર નથી. મૃત્યુ પામેલા લોકોની આત્મા અહીં ભટકે છે. અને આવાજો પણ સંભળાય છે. આ નકારાત્મક ઘટનાઓ બાદ સ્થાનિકોએ આ નિવાસસ્થાનને 'ભૂતનુ સ્થળ' નામ આપ્યુ હતુ. જાપાનના લોકો તથા નેતાઓમાં હવે આ સ્થળ માટે મનમાં બીક પેસી ગઇ હોવાનું જાણવા મળ્યુ છે. અગાઉના પીએમ શિંજો આબે, યોશિહિદે સુગા, ફુમિયો કિશિદા પણ આ ઘરમાં રહેવા માટે મનાઇ ફરમાવી ચુક્યા છે.

નકારાત્મક શક્તિઓનો નિવાસ

આ પીએમ નિવાસસ્થાનમાં મંત્રોચ્ચાર દ્વારા વિધિઓ પણ કરવવામાં આવી છે. પરંતુ આ ઘર વિશે કહેવામાં આવે છે કે, તે રહસ્યમય છે. વર્ષ 2001માં તત્કાલીન પીએમ જુનિચીરો કોઇજુમીએ પીએમ હાઉસમાં પૂજ વિધિઓ કરાવી હતી. ઘરમાંથી નકારાત્મક શક્તિઓ બહાર જાય તે માટે આ પ્રક્રિયા કરાઇ હતી. જાપાન પીએમ આવાસ અને તેમનું કાર્યાલય સાથે જ જોડાયેલું છે. પીએમ રેજિડેન્સ સેક્રેટીએટ આ સંપૂર્ણ નિવાસસ્થાનનું ધ્યાન રાખે છે. તેમાં સુરક્ષા, અતિથિ સત્કાર, સફાઇ વગેરે સ્ટાફનો પણ સમાવેશ કરવામાં આવે છે.