દુનિયાભરમાં આ સમયે આ ડોલે હોબાળો મચાવી દીધો છે, જેનું નામ Labubu છે. ડરામણો ચહેરો અને બહાર નીકળેલા દાંત અને મોટી આંખોવાળી આ ડોલનો ક્રેઝ બાળકોથી લઈને મોટા લોકોની વચ્ચે પણ વધી રહ્યો છે. કિમ કાર્દશિયન, પોપ સિંગર લીઝા અને રિહાના જેવા ઈન્ટરનેશનલ સ્ટાર તેની પોતાની સાથે અને પર્સ પર રાખે છે. સોશિયલ મીડિયા પર લાખો પોસ્ટ તે ડોલના ફક્ત અનબોક્સિંગ પર જ છે, આજે એક ગ્લોબલ ટ્રેન્ડ બની ગયો છે Labubu.
પોપ માર્ટ મોટી કમાણી કરે છે
Labubuને 2015 માં હોંગકોંગના કલાકાર કેસિંગ લંગ દ્વારા ડિઝાઇન કરવામાં આવ્યું હતું. બાદમાં, ચીની રમકડા કંપની પોપ માર્ટે તેને બજારમાં લોન્ચ કર્યું અને બ્લાઇન્ડ બોક્સ સ્ટ્રેટેજી અપનાવી. એટલે કે, ગ્રાહકને ખબર નથી હોતી કે તેને બોક્સ ખોલવા પર કયું વર્ઝન મળશે. આ આશ્ચર્યજનક પરિબળે લોકોમાં તેના માટે જુસ્સો પેદા કર્યો. રિપોર્ટ મુજબ, પોપ માર્ટનો નફો આગામી 6 મહિનામાં 350% વધી શકે છે. કંપનીના શેર 2020 માં હોંગકોંગ સ્ટોક એક્સચેન્જમાં લિસ્ટેડ થયા હતા અને ત્યારથી 600% વૃદ્ધિ નોંધાવી છે. હાલમાં, કંપનીનું બજાર મૂલ્ય $40 બિલિયનથી ઉપર પહોંચી ગયું છે.
