Birthday Celebration: 'મીણબત્તી ઓલવીને કેક કાપવાની પરંપરા...' જાણો જન્મદિવસની ઉજવણીની શરૂઆત ક્યારે થઈ?

આજકાલ લોકો પોતાનો બર્થ-ડેની ઉજવણી ખૂબ જ ધામધૂમથી કરે છે હવે તો લોકોને જન્મદિવસનો ક્રેઝ એટલો વધી ગયો છે બર્થ-ડે આવતાની પહેલા જ લોકો પ્રી-બર્થ-ડેની ઉજવણી કરે છે.

જન્મદિવસ પર મીણબત્તીઓ પ્રગટાવવાની અને કેક કાપવાની પરંપરા પશ્ચિમી દેશોમાંથી આવી છે. આ પરંપરા વર્ષો જૂની છે પરંતુ શું તમે જાણો છો કે જન્મદિવસની ઉજવણી ક્યાંથી શરૂ થઈ અને પ્રથમ જન્મદિવસ કોણે ઉજવ્યો? 

જન્મદિવસની ઉજવણી ક્યારે કરવામાં આવી?

નાના હોય કે મોટા, દરેક વ્યક્તિ પોતાનો જન્મદિવસ ખૂબ જ ખાસ રીતે ઉજવવા માગે છે. પરંતુ શું તમે ક્યારેય વિચાર્યું છે કે આ પરંપરા ક્યારે શરૂ થઈ અને કોણે કેક કાપીને પહેલો જન્મદિવસ ઉજવ્યો? જન્મદિવસ પર મીણબત્તીઓ પ્રગટાવવાનો અને તેને બુઝાવવાનો રિવાજ પ્રાચીન ગ્રીસથી આવે છે.

કેક કાપી ઉજવણી કરવાની શરૂઆત કયા દેશે કરી?

તે સમયે લોકો સળગતી મીણબત્તીઓ લઈને ગ્રીક દેવ પાસે જતા હતા અને ત્યાં તેઓ તે મીણબત્તીઓથી ગ્રીક દેવનું પ્રતીક બનાવતા હતા. આ પછી જ મીણબત્તીઓ ઓલવાઈ ગઈ જેથી તેનો ધુમાડો ચારે બાજુ ફેલાઈ શકે. જન્મદિવસ પર કેક કાપવાની અને મીણબત્તીઓ ફૂંકવાની પરંપરા મધ્યયુગીન જર્મનીમાં શરૂ થઈ હોવાનું માનવામાં આવે છે. 1746માં, કેક પર મીણબત્તીઓ મૂકીને પ્રથમ વખત જન્મદિવસની ઉજવણી કરવામાં આવી હતી.

મીણબતી ઓલવવા પાછળની માન્યાતા શું?

આ ધાર્મિક અને સમાજ સુધારક ઝિંઝેન્ડોર્ફનો જન્મદિવસ હતો. તે દિવસોમાં, જર્મનીમાં બાળકોના જન્મદિવસ પર એક ખાસ ઉજવણી કરવામાં આવતી હતી. આ સમય દરમિયાન, કેક પર મીણબત્તીઓ પ્રગટાવવામાં આવતી હતી, જે આખો દિવસ સળગતી રહેતી હતી અને સાંજે ઇચ્છા કર્યા પછી ઓલવાઈ જતી હતી. એવું માનવામાં આવતું હતું કે મીણબત્તી ઓલવવાનો ધુમાડો ઉપર તરફ જાય છે અને તમારી ઇચ્છા ભગવાન સુધી પહોંચાડે છે.