કોરોના વાયરસના નવા પ્રકારે ફરી એકવાર દુનિયાનું તણાવ વધારી દીધું છે. આ નવો પ્રકાર શાંતિથી દસ્તક આપી રહ્યો છે. જેના કારણે વૈજ્ઞાનિકો અને તબીબી નિષ્ણાતો સતર્ક થઈ ગયા છે. આ નવો પ્રકાર ઓસ્ટ્રેલિયાના કેટલાક શહેરોમાં જોવા મળ્યો છે. જે LP.8.1 છે. ઓસ્ટ્રેલિયામાં તેના કેસ ઝડપથી વધી રહ્યા છે.
કોરોના વાયરસ ફરી થયો પરિવર્તિત
LP.8.1 સૌપ્રથમ જુલાઈ 2024 માં મળી આવ્યો હતો. વૈજ્ઞાનિકોએ ત્યારે કહ્યું હતું કે આ ઓમિક્રોનના KP.1.1.3નું પેટા પ્રકાર છે. જેના કેસ અગાઉ પણ જોવા મળ્યા છે. ન્યૂ સાઉથ વેલ્સમાં કોવિડ-19ના પાંચમાંથી એક કેસ માટે આ નવા પ્રકારને જવાબદાર ઠેરવવામાં આવી રહ્યો છે. યુનાઇટેડ કિંગડમના કેટલાક શહેરોમાં પણ તેના કેસ નોંધાયા છે. આવી સ્થિતિમાં નવો પ્રકાર કેટલો ખતરનાક છે અને તેના વિશે ચિંતા કરવાની જરૂર છે કે નહીં. તે જાણવું જરુરી છે.
પાકિસ્તાની રાષ્ટ્રપતિનો કોરોના ટેસ્ટ પોઝિટિવ
કોવિડનો નવો પ્રકાર પડોશી દેશ પાકિસ્તાનમાં પહોંચી ગયો છે. પાકિસ્તાનના રાષ્ટ્રપતિ આસિફ અલી ઝરદારીને કોરોનાનો ચેપ લાગ્યો હોવાના સમાચાર છે. કોવિડ પોઝિટિવ મળ્યા બાદ ઝરદારી આઇસોલેશનમાં છે. ડોક્ટરોનું કહેવું છે કે શ્વાસ લેવામાં તકલીફ અને તાવ આવતા તેમને કરાંચીની એક હોસ્પિટલમાં લઈ જવામાં આવ્યા હતા. જ્યાં ચેપ લાગ્યો હોવાનું જાણવા મળ્યું. ઝરદારી અગાઉ જુલાઈ 2022માં પણ કોરોનાનો ભોગ બન્યા હતા. જો કે, તેઓ કોરોનાના કયા પ્રકારનો ભોગ બન્યા છે તે જાણી શકાયું નથી.
કોરોનાનો નવો પ્રકાર LP.8.1 કેટલો ખતરનાક છે?
LP.8.1 સૌપ્રથમ જુલાઈ 2024માં મળી આવ્યો હતો. વૈજ્ઞાનિકોએ ત્યારે કહ્યું હતું કે આ ઓમિક્રોનના KP.1.1.3 નું પેટા પ્રકાર છે. જેના કેસ અગાઉ પણ જોવા મળ્યા છે. વિશ્વ આરોગ્ય સંસ્થા અનુસાર જાન્યુઆરી 2025માં LP.8.1ને 'નિરીક્ષણ હેઠળના પ્રકાર' તરીકે વર્ગીકૃત કરવામાં આવ્યું હતું. ઓમિક્રોન અને તેના પેટા પ્રકારો શરીરની રોગપ્રતિકારક શક્તિને ટાળીને સરળતાથી લોકોને ચેપ લગાવે છે. જો કે, ઓમિક્રોનને ગંભીર રોગો ફેલાવતો માનવામાં આવતો નથી.
નવા પ્રકારથી કેટલું નુકસાન થઈ શકે ?
નિષ્ણાતોના મતે, LP.8.1 ના સ્પાઇક પ્રોટીનમાં 6 પરિવર્તનો છે, આ આધારે વૈજ્ઞાનિકો માને છે કે તે આપણા કોષો સાથે વધુ સરળતાથી જોડાઈ શકે છે. તેમાં V445R નામનું પરિવર્તન જોવા મળ્યું છે, જે તેને અન્ય પ્રકારો કરતાં વધુ સરળતાથી ફેલાવવાની ક્ષમતા આપે છે. V445R ફેફસાના કોષોને નુકસાન પહોંચાડી શકે છે. પ્રારંભિક અહેવાલો દર્શાવે છે કે LP.8.1 ના લક્ષણો અન્ય પેટા પ્રકારો કરતાં વધુ ગંભીર નથી. તેથી તેને હાલમાં વધુ ખતરનાક માનવામાં આવતું નથી.
Disclaimer: સમાચારમાં આપવામાં આવેલી કેટલીક માહિતી મીડિયા રિપોર્ટ્સ પર આધારિત છે. સંદેશ ન્યૂઝ આ મામલે પુષ્ટી કરતું નથી. કોઈપણ સૂચનનો અમલ કરતા પહેલા તમારે સંબંધિત નિષ્ણાતની સલાહ લેવી જોઈએ.
