ઉત્તરાયણના દિવસે બનાવો આ ટેસ્ટી શીરો, હેલ્થને મળશે અનેક ફાયદા

• ઘરે જ સરળતાથી બનાવો સ્વીટ ડિશ
  
• ગોળ અને ઘી ગરમ હોવાથી ઠંડીમાં શરીરને રાહત આપશે
• જાણો તહેવારે બનાવી શકાય તેવી સરળ અને ટેસ્ટી રેસિપિ

ભારત એક એવો દેશ છે જ્યાં વિવિધ ધર્મના લોકો રહે છે અને તહેવારો ઉજવે છે. હાલમાં આવી રહેલો ઉત્તરાયણનો તહેવાર હિંદુઓમાં ખાસ માનવામાં આવે છે. આ દિવસે દરેક ઘરમાં કંઈક ને કંઈક મીઠાઈ બનાવવામાં આવે છે. આ વર્ષની મકરસંક્રાંતિ તમારા માટે મીઠાશથી ભરપૂર રહે, તે માટે તમે ઘરે જ ગોળનો શીરો પણ ટ્રાય કરી શકો છો. આ શીરો ફટાફટ બની જાય છે અને સાથે ગોળ અને ઘી ગરમ હોવાથી ઠંડીમાં શરીરને રાહત મળી રહે છે. તો જાણો કઈ રીતે ઘઉંના લોટ, ગોળ અને ઘીની મદદથી તમે ઘરે જ સ્વીટ ડિશ તૈયાર કરી શકો છો.

સામગ્રી

• લોટ - 2 વાટકી
• ગોળ - 1 વાટકી
• ઘી - 2 ચમચી
• પાણી - જરૂરિયાત મુજબ
• ડ્રાયફ્રૂટ્સ - 1 વાટકી સુધારેલા
• એલચી પાવડર - 1 ચમચી

આ રીતે હલવો બનાવો

સૌ પ્રથમ એક પેન લો અને તેમાં ઘી ગરમ કરો. હવે તેમાં ઘઉંનો લોટ નાંખીને બરાબર શેકી લો. લોટને ત્યાં સુધી શેકો જ્યાં સુધી તે બ્રાઉન ન થાય. હવે તેમાં પાણી ઉમેરીને બરાબર ચઢવા દો. જ્યારે હલવો ઉકળે ત્યારે ગોળના ટુકડા કરી લો અથવા તેને પલાળી લો. હવે તેને ધીમી આંચ પર બરાબર ઉકળે ત્યાં સુધી ચઢવો. શીરાને લગભગ 5 મિનિટ સુધી હલાવો અને તેમાં એલચી પાવડર ઉમેરો. હવે તેને 15 મિનિટ સુધી ધીમી આંચ પર સારી રીતે રાંધ્યા બાદ ગેસ બંધ કરો અને ઉપર ડ્રાયફ્રુટ્સથી ગાર્નિશ કરો. તૈયાર છે સ્વાદિષ્ટ હલવો.