Skin Care: વરસાદી સીઝનમાં સ્કીનનું રાખો ધ્યાન, ટિપ્સ આવશે કામ

• લાઇટ વેટ મોઇશ્ચરાઇઝર ચોમાસામાં કરશે મદદ
  
• બ્લોટિંગ પેપરની મદદથી સ્કીનનું વધારાનું ઓઈલ કરો દૂર
• ચોમાસામાં સ્કીન માટે ખાસ પ્રકારના સનસ્ક્રીનનો ઉપયોગ કરો

હાલની સીઝનને ડબલ સીઝન કહી શકાય. ઉનાળાની જેમ પરસેવો પણ થાય અને સાથે વરસાદી માહોલના કારણે ભેજ વધવાના કારણે સ્કીન ચીકણી પણ બને. આ સમયે સ્કીનની વધારે કાળજી લેવાય તે જરૂરી છે. આ સમયે સ્કીનને માટે કેટલાક ખાસ અને સરળ ઉપાયો અજમાવી લેવાય તે જરૂરી છે. તો જાણો ચોમાસામાં કેવો મેકઅપ કરવો અથવા સ્કીન કેરમાં શું ધ્યાન રાખવું.

વરસાદમાં વધે છે સ્કીન સંબંધી સમસ્યાઓ

કેટલાક લોકો વરસાદ આવતા જ પલળવા લાગે છે. પરંતુ તેનાથી એલર્જી, ફોલ્લીઓ અથવા ખંજવાળ જેવી ત્વચાની સમસ્યાઓ થઈ શકે છે. ભેજ અને બેક્ટેરિયા તમારી ત્વચાને નુકસાન પહોંચાડી શકે છે. આવી સ્થિતિમાં ચોમાસામાં ત્વચાની યોગ્ય કાળજી લેવી જરૂરી છે. આ સિઝનમાં ત્વચાની સંભાળ કેવી રીતે રાખવી તે પણ જરૂરી છે.

ક્લીન્સરનો ઉપયોગ

વરસાદની ઋતુમાં લાઇટ ક્લીન્ઝરનો ઉપયોગ કરો. તેનાથી તમારા ચહેરાનું કુદરતી તેલ જળવાઈ રહેશે. હાર્ડ ક્લીનઝરનો ઉપયોગ ચહેરામાંથી ભેજ દૂર કરે છે. તેનાથી ત્વચામાં બળતરા, શુષ્કતા અને ખીલ જેવી સમસ્યાઓ થઈ શકે છે.

લાઇટ વેટ મોઇશ્ચરાઇઝર

વરસાદની ઋતુમાં ત્વચાના છિદ્રો ખુલી જાય છે. જેના કારણે ત્વચામાં ધૂળ અને ગંદકી જામવાનું જોખમ રહે છે. આવી સ્થિતિમાં ત્વચાના છિદ્રોને બંધ કરવા માટે હળવું નોન-ગ્રીસી મોઈશ્ચરાઈઝર લગાવો. તમે ત્વચા પર એલોવેરા, લીમડો અથવા ગુલાબ ધરાવતું મોઇશ્ચરાઇઝર લગાવી શકો છો.

સનસ્ક્રીન

માત્ર ઉનાળામાં જ નહીં પણ ચોમાસામાં પણ સનસ્ક્રીન લગાવવું જરૂરી છે. આ સિઝનમાં ચહેરા પર વધુ તેલ જોવા મળે છે. આ માટે તમે જેલ અથવા પાણી આધારિત સનસ્ક્રીન લગાવો. તેનું ટેક્સચર પણ નોનસ્ટીકી રહે છે.

બ્લોટિંગ પેપર

મેકઅપ કર્યા પછી કેટલાક લોકોના ચહેરા પર તેલ દેખાવા લાગે છે. આવી સ્થિતિમાં તમારે બ્લોટિંગ પેપરનો ઉપયોગ કરવો જોઈએ. આ મેકઅપને દૂર કર્યા વિના ત્વચામાંથી વધારાનું તેલ દૂર કરવામાં મદદ કરે છે. ચોમાસાની ઋતુમાં ત્વચાની સંભાળને લઈને સહેજ પણ બેદરકાર ન રહો. વરસાદની મોસમમાં માત્ર હળવા ઉત્પાદનોનો ઉપયોગ કરો.