Farali Food : શ્રાવણ મહિનાના ઉપવાસની બેસ્ટ ફરાળી વાનગી, સાબુદાણા-બટાકાની ટિક્કી ખાશો તો ભૂલશો નહીં ટેસ્ટ

શ્રાવણ મહિનાનો ઉપવાસમાં તમે ફરાળી વાનગીમાં નવી રેસીપી ટ્રાય કરો. તમે ફરાળમાં સાબુદાણાની ખીચડી, સાબુદાણાના ચીલાની વાનગી ખાધી હશે. આજે બટાકાના શોખીનો માટે એક નવી વાનગી લાવ્યા છીએ. જે લોકોને બટાકા વધુ પસંદ છે તેઓ રેસીપી જરૂર ટ્રાય કરે. સાબુદાણાની સાથે બટાકાનું મિશ્રણ સાથેની સાબુદાણા-બટાકા ટિક્કીની વાનગી તમે રાત્રિના ડિનરમાં લઈ શકો છો. નોંધી આ વાનગીની રીત.

સાબુદાણા-બટાકા ટિક્કી માટે સામગ્રી : આ વાનગીમાં તમે આદુ-લીલા મરચાં ઝીણા સમારેલા, કોથમીર, કાળા મરી પાઉડર, અને સ્વાદ મુજબ કાચુ મીઠું, સિંધવ અથવા સંચળ મીઠું લો.

• 1 કપ સાબુદાણા ( 4 થી 5 કલાક પલાળેલા)
• 2 - બાફેલા બટાકા
• 1 ચમચો સિંગોડોના લોટ
• 1 ચમચી લીંબુનો રસ
• ઘી અથવા તેલ - તળવા માટે

સાબુદાણા-બટાકા ટીક્કી બનાવવાની રીત : 

• આ ટીક્કીની વાનગી બનાવવા સો પ્રથમ તો તમારે સાબુદાણાને સારી રીતે ધોઈ લેવા. ટિક્કી બનાવવાના 4 થી 5 કલાક સાબુદાણાને પાણીમાં પલાળી રાખો. દરમિયાન સાબુદાણા ફૂલી થશે અને નરમ થવા લાગશે. ત્યારે તેમાંથી વધારાનું પાણી કાઢી લો.
• ત્યારબાદ એક મોટા વાસણમાં પલાળેલા સાબુદાણા, 1 ચમચો સિંગોડોના લોટ, બાફેલા બટાકા લઈ બરાબર મિકસ કરી લો. પછી આ મિશ્રણમાં સમારેલા લીલા મરચાં, આદુ, કોથમીર અને સિંધવ મીઠું, કાળા મરી અને લીંબુનો રસ ઉમેરી તમામ વસ્તુઓને સારી રીતે મિક્સ કરો.
• તૈયાર કરેલા મિશ્રણના નાના ભાગો લો અને તેને ગોળ ટિક્કીનો આકાર આપો. અથવા તો તમે તેને પનીરની જેમ ચોરસ આકાર પણ આપી શકો છો. હવે એક નોન-સ્ટીક પેન ગરમ કરો અને તેમાં થોડું તેલ અથવા ઘી ઉમેરો. ટિક્કીઓને ધીમા તાપે સોનેરી અને બંને બાજુ ક્રિસ્પી થાય ત્યાં સુધી શેકો.
• તમારા ક્રિસ્પી અને સ્વાદિષ્ટ સાબુદાણા બટાકા ટિક્કી તૈયાર થઈ ગઈ. આ વાનગીને તમે દહીં, કોથમીરની ચટણી અથવા રાયતા સાથે ખાઈ શકો છો. ઉપવાસમાં આ વાનગી સ્વાદ અને હેલ્થ બંને માટે યોગ્ય છે.