Kitchen Tips : આરોગ્ય તંદુરસ્ત રાખવા કૂંકીગ માટે આ 2 તેલ શ્રેષ્ઠ, રોજિંદા આહારમાં કરો સામેલ

ભારતીય રસોઈ તેલ વગર અધૂરી છે. રસોઈમાં ખોરાક રાંધવા ઘણા પ્રકારના તેલનો ઉપયોગ કરવામાં આવે છે. તેલમાં બનતો ખોરાક શરીર માટે જોખમકારક માનવામાં આવે છે. તળેલા ખોરાક અને વધુ પડતા તેલમાં બનતા ખોરાકનું સેવન કોલેસ્ટ્રોલનું સ્તર વધારે છે જે હૃદયને નુકસાન પહોંચાડી શકે છે. જો કે લોકોને તેલ વિના ખાવાનું પસંદ નથી. સ્વસ્થ આરોગ્ય માટે રસોઈમાં આ 2 તેલ બનશે ઉપયોગી.

પોષણશાસ્ત્રીનો અભિપ્રાય

આરોગ્ય તંદુરસ્ત રાખવા સરસવનું તેલ અને નાળિયેર તેલનો ઉપયોગ કરવો. રોજિંદા આહારમાં આ બંને તેલનો તમે સમાવેશ કરી શકો છો તેવું પોષણશાસ્ત્રી કહે છે. તમે કાળા અથવા પીળા કોઈપણ સરસવ તેલનો ઉપયોગ કરી શકો છો. એકસમયે ઘીનું સેવન ઓછું કરે છે પરંતુ તેલ વગરના ભોજનની કલ્પના કરી શકતા નથી. પોષણશાસ્ત્રી કહે છે કે રસોઈમાં જો યોગ્ય તેલનો ઉપયોગ કરવામાં આવે તો આરોગ્ય તંદુરસ્ત રાખી શકો છો.

નાળિયેર તેલના ફાયદા

નાળિયેર તેલનું સેવન કરવામાં આવે તો તે શરીર અંદરથી સ્વસ્થ થાય છે. ખાસ કરીને દક્ષિણ ભારતમાં લોકો રસોઈમાં નાળિયેર તેલનો ઉપયોગ કરે છે. આ તેલના ઉપયોગથી સંધિવા, સાંધાનો દુખાવામાં રાહત આપે છે. તેમજ આ તેલમાં બનતા ખોરાક ખાવામાં આવે તો પિત્તની સમસ્યા પણ દૂર થાય વધે છે. નાળિયેરમાં કેલ્શિયમ અને મેગ્નેશિયમ રહેલ હોવાથી હાડકાની ક્ષમતામાં સુધારો થાય છે. આ ઉપરાંત ત્વચા અને વાળની સમસ્યામાં નાળિયેરનું તેલ ઉપયોગી છે.

સરસવના તેલના ફાયદા

સરસવના તેલમાં મોનોસેચ્યુરેટેડ ફેટી એસિડ્સ ખૂબ હોય છે. આ શરીરમાં ખરાબ કોલેસ્ટ્રોલ ઘટાડે છે અને સારા કોલેસ્ટ્રોલમાં વધારો કરે છે. સરસવનું તેલ હૃદયને સ્વસ્થ રાખવા માટે સારું માનવામાં આવે છે. સરસવના તેલમાં ધુમાડો વધારે હોય છે. તેમાં એન્ટીબેક્ટેરિયલ, બળતરા વિરોધી ગુણધર્મો હોય છે. સરસવના તેલમાં રાંધેલા શાકભાજીનો સ્વાદ પણ ખાસ હોય છે. તમે તેનો ઉપયોગ ઊંડા તળવા માટે પણ કરી શકો છો. લોકો વાળમાં લગાવવા અને માલિશ કરવા માટે પણ સરસવના તેલનો ઉપયોગ કરે છે. 

(Disclaimer: આ માહિતી વાચકોને વધારે વિગતો પુરી પાડવા માટે છે અને આ સંદર્ભમાં વધારે જાણકારી મેળવવા માટે આપ તજજ્ઞોનો સંપર્ક સાધી શકશો. )