Parath Recipe : આલુ પરાઠા ખાઈને કંટાળ્યા હોવ તો ટ્રાય કરો લીલા શાકભાજીના સ્વાદિષ્ટ પરાઠા

શિયાળો આવતાની સાથે જ લોકોને સ્વાદિષ્ઠ વાનગી ખાવાનું મન થાય છે. ઠંડીના દિવસોમાં બજારમાં લીલા પાંદડાવાળા શાકભાજી જોવા મળે છે. સ્વાસ્થ્ય માટે લીલી શાકભાજી ખાવું જરૂરી છે. આ દિવસોમાં જો તમે ચટાકેદાર અને મસાલેદાર વાનગી ખાવાની ઇચ્છા હોય તો તમે આ વાનગી જરૂર ટ્રાય કરી શકો છો. ફક્ત આલુ પરાઠા જ નહીં આ વસ્તુમાંથી બનતા પરાઠા ખૂબ સ્વાદિષ્ટ લાગે છે. ઠંડીના દિવસોમાં આલુ પરાઠા, મેથીના પરાઠા, પાલકના પરાઠા જેવા વિવિધ પરાઠા લોકો બ્રેકફાસ્ટમાં ખાય છે. આજે તમને નવી અને સરળ સ્ટાઈલથી કોબી પરાઠાની રેસીપી જણાવીશું.

કોબીજ પરાઠા માટે સામગ્રી:

મીઠું, ધાણા પાવડર, લાલ મરચાં પાવડર અને ગરમ મસાલો જરૂરિયાત મુજબ લો

• 1 નાની કોબીજ
• 1 કપ ઘંઉનો લોટ
• 2 મધ્યમ કદના બાફેલા બટાકા
• 1 ટી સ્પૂન ઝીણા લીલા મરચાં
• 1 ટી સ્પૂન આદુ-લસણની પેસ્ટ

કોબીજ પરાઠા બનાવવાની રીત:

કોબી પરાઠા બનાવવા માટે સૌપ્રથમ થોડું મીઠું અને 1 ચમચી તેલ ઉમેરી નરમ લોટ બાંધી લો. આનાથી પરાઠા ખૂબ જ નરમ બનશે. ત્યારપછી કોબીજને સારી રીતે ધોઈ તેમાથી પાણી કાઢી લો. પછી કોબીજને ઝીણી ક્રશ કરી લો અને તેમાં મીઠું નાખી વધારાનું પાણી કાઢ્યા બાદ તેમાં 2 બાફેલા બટાકા, સમારેલા લીલા મરચાં, લીલા ધાણા, આદુ લસણની પેસ્ટ, મીઠું, ધાણા પાવડર, લાલ મરચાં પાવડર અને ગરમ મસાલો લઈ સારી રીતે મિશ્રણ કરી લો. પછી લોટનો લુઓ લઈ તેની રોટલી વણો અને અંદર કોબીજનું સ્ટફિંગ ભરી દો. પછી હાથથી પરાઠાને થોડો મોટો બનાવો અને પછી તેને હળવા હાથે વણી લો. ત્યારબાદ કોબીજ પરાઠાને તવા પર બંને બાજુ ક્રિસ્પી થાય તેમ ઘી, તેલ અથવા બટર નાખી શેકી લો.