Recipe : ઘરમાં ભગવાન ગણેશજીની મૂર્તિનું સ્થાપન, ડુંગળી-લસણ વગર બનાવો ચટાકેદાર આ વાનગી

ગણેશ ચતુર્થીના તહેવારની દેશભરમાં જોરશોરથી તૈયારી ચાલી રહી છે. આ તહેવારમાં લોકો ઘરમાં ભગવાન ગણેશજીની મૂર્તિનું સ્થાપન કરે છે. જ્યારે ઘરમાં ગણેશજીની સ્થાપના થાય ત્યારે સ્વચ્છતા અને શુદ્ધતાના નિયમોનું પાલન કરવાનું હોય છે. ધાર્મિક માન્યતા અનુસાર ઘરે આ દિવસોમાં ઘરે સાત્વિક ભોજન બનાવવું જોઈએ. તમને ડુંગળી-લસણ વગરની બેસ્ટ દૂધની ભાજી બનાવવાની રેસીપી જણાવીશું. આ વાનગી સ્વાદિષ્ટ અને ચટાકેદાર બનશે કે લોકો પાઉભાજી પણ ભૂલી જશે.

દૂધની ભાજી બનાવવાની રેસીપી

દૂધીની ભાજી બનાવવા માટે સામગ્રી : આ વાનગી બનાવવા તમે તેલ, રઈ, હિંગ, સ્વાદનુસાર મીઠું, ગરમ મસાલાનો ઉપયોગ કરો.

• 200 ગ્રામ દૂધી
• 2 નંગ બટાકા
• 1 નાનું રીંગણ
• 1 નાનું કેપ્સિકમ
• 3 નંગ મોટું ટમેટું
• 1 નંગ લીલું મરચું
• 1 ઇંચ આદુનો ટુકડો

દૂધીની ભાજી બનાવવાની રીત:

• પાઉભાજીને પણ ભૂલાવી દેવી આ દૂધીની ભાજી બનાવવા સૌ પ્રથમ દૂધી અને બટાકાને કૂકરમાં બાફી લો. કુકરમાં 3 થી 4 સીટી વગાડી બંને શાકને બાફવા મૂકો. દરમિયાન બીજી બાજુ કેપ્સિકમના નાના ટુકડા કરી લો.
• અને ટામેટાની પ્યોરી બનાવો. આ માટે એક વાસણમાં ગરમ પાણી મૂકી 10 મિનિટ ટામેટાને આ પાણીમાં ઉકાળો. પછી તે ઠંડા થાય એટલે એક મિક્સર જારમાં ટામેટાને ક્રશ કરી લો.
• પછી એક કઢાઈમાં તેલ મૂકી તેમાં ટી સ્પૂન રઈ નાખો. રઈ તતડે એટલે તેમાં ટામેટાની પ્યોરી નાખો અને પછી તેમાં મીઠું અને મરચું નાખો. ત્યારબાદ તેમાથી તેલ છૂટું નપડે ત્યાં સુધી ટમેટાની પ્યુરી નાખી બરાબર સાંતળો.
• પછી તેમાં ઝીણા સમારેલા કેપ્સિકમ નાખી 5 મિનિટ ચઢવા દો. અને હવે કૂકરની સીટી ખોલી તેમાં રહેલા દૂધીના કટકા અને બટાકાને બહાર કાઢી મેશ કરી લો. પછી આ મિશ્રણને ટામેટાની પ્યુરીમાં ભેળવી દો.
• તેમાં થોડું પાણી નાખો પછી જરૂર મુજબ લાલ મરચું અને ગરમ મસાલો નાખી થોડી વાર ખદખદવા દો. 10 મિનીટ પછી આ દૂધીની ભાજીમાં લીંબુનો રસ અને કોથમીર ભભરાવો. તૈયાર થઈ ગઈ ડુંગળી-લસણ વગરની ચટાકેદાર ટેસ્ટી દૂધીની ભાજી. આ ભાજીને તમે રોટલી અને પરાઠ અથવા બ્રેડ સાથે પણ ખાઈ શકો છો.