Recipe : ઘરે બનાવો માવા મલાઈ કુલ્ફી, બજાર જેવો જ ટેસ્ટ અને સ્વાદ આવશે

વરસાદમાં મોટાભાગના લોકોને ફરસાણ ખાવાનું પસંદ હોય છે. પરંતુ એવા પણ કેટલાક લોકો છે જેમને આ સિઝનમાં આઈસક્રીમ અને કુલ્ફી ખાવાનો ક્રેઝ હોય છે. બજારમાં અત્યારે ભેળસેળનો માહોલ છે ત્યારે પોતાના કુલ્ફી ખાવાનો ક્રેઝ પૂરો કરવો તમે આ વાનગી ઘરે બનાવી શકો છો. આજના લેખમાં તમને ઘરે માવા કુલ્ફી બનાવવાની સરળ રીત જણાવીશું. જો કે બજાર જેવી કુલ્ફી માટે તમારે બહાર તૈયાર મળતા કુલ્ફીનો મોલ્ડ લાવવા પડશે. તો જ બજાર જેવી મજા આવશે. આ રીતે બનાવો માવા મલાઈ કુલ્ફી.

માવા મલાઈ કુલ્ફી બનાવવા માટે સામગ્રી :

• 1 લિટર મિલ્ક
• 3 ચમચી કોર્ન ફ્લોર
• 1/2 કપ મિલ્ક
• 2 કપ ખાંડ
• 1 કપ મિલ્ક પાઉડર

માવા મલાઈ કુલ્ફી બનાવવા માટેની રીત :

આ કુલ્ફી બનાવવા સૌ પ્રથમ એક વાસણમાં દૂધ ગરમ કરવા મૂકો. દૂધ ઉકળવા મૂકો ત્યાર બાદ બીજા વાસણમાં તમે 1/2 કપ દૂધમાં કોર્ન ફ્લોર ઉમેરી લો. અને બીજી બાજુ એક વાસણમાં ખાંડની ચાસણી બનાવો. ખાંડ ઓગળી જાય એટલે ગેસ બંધ કરી દો.પછી આ ખાંડની ચાસણીને ઉકળતા દૂધમાં ઉમેરી હલાવતા રહેવો. 5 મિનિટ હલાવી કોર્ન ફ્લોર વાળુ દૂધ ઉમેરવું. પછી આ વાસણમાં ઘી,મિલ્ક પાઉડર અને 1 કપ મિલ્ક ઉમેરી ઘટ્ટ થાય ત્યાં સુધી હલાવી માવો તૈયાર કરો.  ઠંડા થયેલા દૂધમાં તૈયાર કરેલો માવો ઉમેરી બ્લાઈન્ડરથી મિક્સ કરી લેવું અને કુલ્ફીના મોલ્ડમાં તૈયાર માવાને નાખી. 5 થી 6 કલાક રેફ્રિજરેટર મુકવો. રેડી થઈ ગઈ તમારી માવા મલાઈ કુલ્ફી.