બાળકોને નાસ્તામાં શું આપવું તે માતાઓ માટે હંમેશા મોટો પ્રશ્ન હોય છે. ખાસ કરીને વરસાદના દિવસોમાં જ્યારે બહારનું ખાવાથી બીમારીની સંભાવના વધુ હોય છે. ત્યારે નાસ્તામાં એવો કયો બ્રેકફાસ્ટ આપવો જે પૌષ્ટિક હોય. મલાઈ ચીઝ પરાઠા બ્રેકફાસ્ટનો શ્રેષ્ઠ વિકલ્પ છે. આ પરાઠા ખાવામાં સ્વાદિષ્ટ જ નથી, પરંતુ બનાવવામાં ઝડપી અને સરળ છે. 


મલાઈ ચીઝ પરાઠા માટે સામગ્રી :

  • 1 કપ ઘંઉનો લોટ
  • 1/2 કપ ચીઝ
  • 1/2 કપ તાજી દૂધની ક્રીમ
  • 1 ચમચી ઘી કે તેલ અથવા બટર

મલાઈ પરાઠા બનાવવાની રીત:

Also Read

  • આ પરાઠા બનાવવા એકદમ સરળ છે. એક વાસણમાં ઘંઉનો લોટ લઈ તેમાં મીઠું અને જરૂર મુજબ તેલનું મોણ નાખી પાણી ઉમેરી કણક બાંધી લો. પરાઠા બનાવવાના હોવાથી તમારે મુલાયમ અને રોટલી માટે કરો તેવી કણક બાંધવી પડશે.
  • ત્યારબાદ આ કણકને 15 મિનિટ એરટાઈટ વાસણમાં ઢાંકી રાખો. અને જો બાળકોના સવારના બ્રેકફાસ્ટમાં આપવા માગતા હોવ તો લોટને વધુ મસળી લો. અને બીજી બાજુ એક વાસણમાં મલાઈ ક્રીમ અને ચીઝ છીણીને ઉમેરી સારી રીતે મિક્સ કરી લો.
  • હવે લોટનો એક બોલ લો અને તેને રોટલી જેવો ગોળ આકાર બનાવી તેના પર મલાઈ અને ચીઝનું મિશ્રણ સારી રીતે ફેલાવી લો. હવે રોટલીને ત્રિકોણાકાર અથવા ચોરસ આકારમાં ફોલ્ડ કરો. તેને પરાઠાની જેમ ધીમે ધીમે રોલ કરો. ધ્યાન રાખો કે તેને ખૂબ પાતળું ન ફેરવો, નહીં તો અંદરથી ક્રીમ નીકળી શકે છે.
  • તવાને ગરમ કરો અને પરાઠાની બંને બાજુ ઘી અથવા તેલ લગાવો અને તેને સોનેરી થાય ત્યાં સુધી સાંતળો. તમારા ગરમાગરમ અને સ્વાદિષ્ટ મલાઈ પરાઠા તૈયાર છે. બાળકોને તેમની મનપસંદ ચટણી સાથે અથવા તેના જેવી જ ચટણી આપો. તેમને ચોક્કસ ખૂબ ગમશે.

  • Follow us on: