વાળ ખરવાની સમસ્યાને આપણે સામાન્ય માનીએ છીએ. પરંતુ વારંવાર હેર ફોલ થાય તો કિડની ડિસીઝનું જોખમ હોઈ શકે છે. કિડની આપણા શરીર માટે ઘણા મહત્વપૂર્ણ કાર્યો કરે છે એટલે જ તેની સરખામણી સુપર કોમ્પ્યુટર સાથે કરાય છે. મહિલા હોય કે પુરુષ બધાના શરીરમાં સામાન્ય રીતે બે સ્વસ્થ કિડની હોય છે. કિડની શરીર માટે જરૂરી પ્રવાહી જાળવી વધારાનું પ્રવાહી પેશાબ વાટે દુર કરે છે. પરંતુ જ્યારે ઉપાય કર્યા બાદ પણ વાળ ખરવાની સમસ્યા જોવા મળે તો ચોક્કસ કિડની બીમારીનો સંકેત છે. શરીરમાં ઝડપી વાળ ખરવાના લક્ષણ ગંભીર સ્વાસ્થ્ય સમસ્યાનો સંકેત હોઈ શકે છે,
કિડની શરીરનું મહત્વનું અંગ
વાળ ખરવાનું કારણ કિડનીનો રોગ હોઈ શકે છે. કિડની શરીરનું મહત્વનું અંગ છે. કિડની આપણા શરીરમાં સોડીયમ, પોટેશિયમ, ક્લોરાઈડ, મેગ્નેશિયમ, ફોસ્ફરસ, બાયકાર્બોનેટ વગેરેને નિયમન કરવાનું કાર્ય કરે છે. અને જ્યારે કિડનીને નુકસાન થાય છે, ત્યારે શરીરમાં કચરો એકઠો થવા લાગે છે અને પોષક તત્વોનું અસંતુલન થાય છે. જેની સીધી અસર વાળ પર પડે છે. વાળના ફોલિકલ્સ નબળા પડવા લાગે છે અને વાળ સામાન્ય કરતાં વધુ પડતા ખરવા લાગે છે. આ સમયે કિડનીના દર્દીઓમાં વાળ પાતળા થવા, શુષ્કતા, તૂટવા અને ટાલ પડવાનો અનુભવ કરે છે.
