ભારતીય રસોડાના મસાલાની વિશ્વભરમાં માગ વધી છે. આ સુગંધિત મસાલા ભોજનનો સ્વાદ ફિક્કો પડે છે. હળદરનો પણ ઉપયોગ દરરોજની રસોઈમાં થાય છે. હળદર એક મસાલો જ નહીં ઔષધિ હોવાનું ફક્ત આર્યુવેદ જ નહીં મેડિકલ ક્ષેત્રમાં પણ તેને સુપરફૂડ માનવા લાગ્યા છે. તાજેતરમાં અમેરિકામાં હાર્વર્ડ યુનિવર્સિટી અને સ્ટેનફોર્ડ યુનિવર્સિટી અને ભારતમાં AIIMSના એક હેલ્થ એકસપર્ટે હળદર શરીરના સ્વાસ્થ્ય માટે બેસ્ટ હોવાનું કહ્યું. વધુમાં તેમણે કહ્યું કે હળદરનું જો નિયમિત માત્રામાં સેવન કરવામાં આવે તો લીવર સંબંધિત બીમારી દૂર રહેશે.
હળદરનું ચોક્કસ માત્રામાં સેવન ફાયદાકારક
હેલ્થ એકસપર્ટના જણાવ્યા મુજબ ભારતમાં વર્ષોથી વિવિધ રીતે હળદરનું સેવન કરવાની પરંપરા છે. હળદર તેના ઔષધીય ગુણો માટે જાણીતી છે. હળદરમાં રહેલા કર્ક્યુમિનના તત્વમાં ચમત્કારિક ગુણધર્મો હોવાનું માનવામાં આવે છે. કેટલીક બીમારીમાં જ્યારે દવાના ઊંચા ડોઝ અને ચોક્કસ પ્રકારના સપ્લિમેન્ટ્સે લીવરને નુકસાન પહોંચાડતા હોય છે. ત્યાં ખોરાકમાં હળદર સલામત રીતે લેવામાં આવે તો લીવરને થતા નુકસાન સામે રક્ષણ મળે છે. દરરોજ લગભગ અડધી થી એક ચમચી હળદરનું સેવન લીવરના સ્વાસ્થ્ય માટે લાભદાયી છે. લીવરની સમસ્યા હોય તેવા લોકોએ આહારમાં સાવધ રહેવાની જરૂર છે. તેમણે રોજિંદા આહારમાં ચોક્કસ વસ્તુઓને જ સામેલ કરવી જોઈએ.
