Recipe : મહિલાઓની ફેવરીટ પાણી પૂરીને ભૂલાવી દેશે મુંબઈની આ મશૂહર વાનગી

તહેવારમાં ભાગદોડ વધુ રહે છે. તમે આ ચાટ બનાવી સમયની બચત કરી શકો છો. આ ટેસ્ટી ચાટ માટે તમારે વધુ તૈયારી કરવાની જરૂર નથી. તમે અગાઉથી પણ ચટણી બનાવી રાખશો તો ઓછા સમયમાં ફટાફટ અને ટેસ્ટી વાનગી તૈયાર થશે. મહિલાઓને પાણીપૂરી વધુ ફેવરીટ છે.  મુંબઈની મશૂહર આ વાનગીનો સ્વાદ પાણીપુરીનો સ્વાદ ભૂલાવી દેશે. ફક્ત મહિલાઓ જ નહીં પરિવારના તમામ લોકોને પણ જરૂર પસંદ આવશે આ રગડા ચાટની વાનગી.

નોંધી લો રગડા ચાટ બનાવવાની સરળ રેસીપી

રગડા ચાટ માટેની સામગ્રી : આ વાનગી બનાવવા કોથમીર- ફુદીના લીલી ચટણી, આમચૂર પાઉડર અથવા આંબલીની ગળી ચટણી, શેકેલો જીરા પાઉડર, લાલ મરચું, અને સ્વાદ મુજબ મીઠું.

• 200 ગ્રામ સફેદ વટાણા
• 2 - બાફેલા બટાકા (આ બટાકાની તમે ટિક્કી બનાવી લો)
• 1 - ડુંગળી ઝીણા સમારેલા
• 1 - ટામેટા ઝીણા સમારેલા
• ચણાના લોટની ઝીણી સેવ
• ½ ચમચી ચાટ મસાલો
• 1 ચમચી લીંબુનો રસ

રગડા ચાટ બનાવવાની રીત :

• મુંબઈની મશહૂર વાનગી બનાવવા સૌ પહેલા સફેદ વટાણાને રાત્રે (અથવા ઓછામાં ઓછા 6-8 કલાક) પાણીમાં પલાળી રાખો. પછી વટાણાને કૂકરમાં વટાણા નાખો અને તેમાં હળદર, જરૂર મુજબ મીઠું અને પૂરતા પ્રમાણમાં પાણી નાખી 3-4 સીટી વગાડી લો.
• સફેદ વટાણા બફાઈ ગયા બાદ ગ્રેવી થોડી ઘટ્ટ કરવા તેને થોડા મેશ કરી લો. પછી એક કઢાઈમાં તેલ મૂકો અને 1 ટીસ્પૂન રાઈ નાખો. રઈ તતડે એટલે તેમાં સફેદ વટાણાનો રગડો નાખો. પછી તેમાં ફરી જરૂર મુજબ મીઠું, લાલ મરચું, હળદર અને ગરમ મસાલો નાખો.
• આ રગડામાં પાણીનું પ્રમાણ એટલું રાખો કે તે ન તો ખૂબ જાડું હોય અને ન તો ખૂબ પાતળું હોય. ચાટ માટે તમારો રગડો તૈયાર થઈ ગયો. રગડા તમે સમારેલી ડુંગળી, ટામેટાં અને કોથમીર ઉમેરી શકો છો. તેમજ ખાતી વખતે અલગથી પણ લઈ શકો છો.
• હવે તમે જ્યારે ખાવા ઇચ્છો ત્યારે એક પ્લેટમાં બટાકાની ટિક્કી વચ્ચે મૂકો અને ઉપરથી રગડો નાખો. અને પસંદગી મુજબ લીલી અને ગળી ચટણી નાખો. ત્યારબાદ ઉપરથી ચણાની ઝીણી સેવ લઈ ટેસ્ટી રગડા ચાટનો આનંદ માણી શકો છો.