Kitchen Tips : રસોડામાં વંદા જોઈ મહિલાઓ ચીસ પાડી.. ભાગે છે, ટ્રાય કરો આ લેટેસ્ટ ટીપ્સ, પછી વંદા ભાગશે

મહિલાઓ ગમે તેટલી સાહિસક હોય કે પછી આધુનિક હોય. પરંતુ રસોડામાં આ એક વસ્તુ જોતા જ મહિલાઓ ચીસ પાડી ભાગવા લાગે છે. મહિલાઓના કાયમી દુશ્મન રસોડામાં વારંવાર જોવા મળતા વંદા. વર્કિંગ વુમન હોય કે ગૃહિણી તેઓ રસોડામાં જોવા મળતા વંદા, ગરોળી અને નાની જીવાતથી પરેશાન રહેતી હોય છે. બજારમાંથી મોંઘા કેમિકલ લાવ્યા બાદ પણ રસોડામાંથી આ જીવાત દૂર થતીનથી. અને તેનું કાયમી ઘર હોય તેમ અવર-જવર કરે છે. 

વંદા ભગાડવા અપનાવો આ ટિપ્સ

રસોડાના વારંવાર જોવા મળતા વંદા દૂર કરવા એક લેટેસ્ટ ટિપ્સ તમને જણાવીશ. આ ટિપ્સ અજમાવશો તો રસોડામાંથી વંદા ભાગશે તમે નહી. વંદાને દૂર કરવાનો અકસીર ઉપાય તમારા રસોડામાં જ છે. રસોડામાં હાજર બે વસ્તુઓની મદદથી કાયમ માટે વંદાને સરળતાથી દૂર કરી શકશો. રસોડામાં જે સ્થાન પર વારંવાર વંદા દેખાય ત્યાં બેકિંગ સોડા અને ગરમ પાણી નાખો. વંદા હંમેશા માટે ગાયબ થઈ જશે. આ બે વસ્તુઓનો ઉપયોગ દરરોજ કરશો તો વંદા ફરી પાછા આવશે નહી.બેકિંગ સોડાની ખરાબ ગંધ આવતા વંદા ભાગવા લાગે છે. 

રસોડું સ્વચ્છ રાખવા કરો આ ઉપાય

સામાન્ય રીતે રસોડામાં વંદા અને અન્ય જીવાત એવા સ્થાન પર જ આવે છે જ્યાં ગંદકી હોય. જો તમે રસોડાને સ્વચ્છ ના રાખતા હોવો સફાઈમાં થોડો વધુ સમય આપો. ખોરાક રાંધ્યા બાદ સ્વચ્છ કપડાંથી તમે ગેસ સ્ટવ અને તમારું પ્લેટફોર્મ સાફ કરો. સપ્તાહમાં એક વખત બેકિંગ સોડામાં લીબું નાખેલ મિશ્રણથી પ્લેટફોર્મ સાફ કરો. આ ઉપરાંત પ્લેટફોર્મમાં તમારી જે સીંક હોય ત્યાં રાત્રિના સમયે કોઈ વસ્તુથી ઢાંકી દો. કારણ કે વરસાદના દિવસોમાં વંદા ત્યાંથી જ પ્રવેશ કરતા હોય છે. રસોડામાં અને ઘરમાં સપ્તાહમાં બે થી ત્રણ વખત પાણીમાં મીઠું નાખી પોતું કરવું જોઈએ. આ ઉપચાર નિયમિત કરવાથી તમારું રસોડું સ્વચ્છ રહેશે અને જીવાત પણ આવશે નહી. રસોડું સ્વચ્છ હશે તો પરીવાર પણ તંદુરસ્ત રહેશે.