Receipe: દિલ્લીનું ફેમસ સ્ટ્રીટફૂડ મૂંગલેટ ઘરે બનાવો, જાણો રીત

રોજિંદા જીવનમાં આહારમાં રોજ એકનું એક જમવાથી બોર થઈ જાઓ છો ને ક્યારેક કંઈક અલગ ખાવાનું મન થતું હોય છે. ગૃહિણીઓને રેસીપી સિલેક્ટ કરવામાં મુંઝવણ પણ થતી હોય છે. અમે તમને જણાવીએ કંઈક અલગ અને સ્વાદમાં ચટકો મળી રહે એવી વાનગી મૂંગલેટ, મૂંગલેટ મગની દાળ અને શાકભાજીમાંથી બનાવવામાં આવે છે, તમે તમારા બપોરના ભોજનમાં રોટલી કે શાકભાજીને બદલે મૂંગલેટની આ અદ્ભુત રેસીપી અજમાવા માંગો છો તો જાણો તેની રેસીપી

સ્વાદિષ્ટ અને પૌષ્ટિક રેસીપી

જો તમે ઝડપથી વજન ઘટાડવા માંગતા હો, તો તમારો આહાર ખૂબ જ સારો હોવો જોઈએ. તમારે તમારા આહારમાં એવા ખોરાકનો સમાવેશ કરવો જોઈએ જે વજન ઘટાડવામાં મદદ કરે છે. તમે તમારા બપોરના ભોજનમાં રોટલી કે શાકભાજીને બદલે મૂંગલેટની રેસીપી અજમાવી શકો છો. મૂંગલેટ એક સ્વાદિષ્ટ અને પૌષ્ટિક રેસીપી છે જે મગની દાળ અને શાકભાજીમાંથી બને છે. સ્વાદ અને સ્વાસ્થ્યથી ભરપૂર છે. આ રેસીપી વજન ઘટાડવામાં પણ અસરકારક છે. તો જાણીએ કે આ રેસીપી કેવી રીતે બનાવવી?

મૂંગલેટ માટેની સામગ્રી

સૌ પ્રથમ તો મગની દાળ - 1 કપ લેવી આદુ - 1 ઇંચ, જીરું - 1/2 ચમચી, સ્વાદ મુજબ મીઠું લેવું હવે હિંગ - 2 ચપટી, હળદર પાવડર - 1/4 ચમચી, ચોખાનો લોટ - 1 ચમચી, સમારેલા લીલા મરચા - 1, સમારેલા ડુંગળી - 2 ચમચી, સમારેલા કેપ્સિકમ, સ્વીટ કોર્ન - 1 ચમચી, ઇનો ફ્રૂટ સોલ્ટ - 1 ચમચી, માખણ - 1 ચમચી, તેલ - 1 ચમચી લઈને સામગ્રી તૈયાર કરી લો.

મૂંગલેટ બનાવવાની રીત

1: સૌપ્રથમ, મગની દાળને 4-5 કલાક પલાળી રાખવી નિર્ધારિત સમય પછી, પલાળેલી મગની દાળને પાણીમાંથી કાઢી લો અને તેને મિક્સરમાં સરળતાથી પીસી લો. આ પેસ્ટમાં આદુનો ટુકડો ઉમેરો અને તેને પીસી લો. પેસ્ટને એક મોટા બાઉલમાં મૂકો અને તેમાં એક ચમચી ચોખાનો લોટ ઉમેરો અને તેને 5 મિનિટ સુધી સારી રીતે ફેંટો. (ચોખાનો લોટ ઉમેરવાથી મૂંગલેટ ક્રિસ્પી બનશે)

2: હવે મૂંગલેટને વધુ સ્વાદિષ્ટ બનાવવા માટે સૌ પ્રથમ તો તેમાં ગાજર, સ્વીટ કોર્ન, ડુંગળી અને કેપ્સિકમ જેવા સમારેલા શાકભાજી ઉમેરો. અને ફરી એકવાર તેમને એકસાથે હલાવો. હવે તેમાં થોડી હળદર, અડધી ચમચી જીરું, બારીક સમારેલા લીલા મરચાં, 2 ચપટી હિંગ ઉમેરીને ફરીથી સારી રીતે મિક્સ કરો. છેલ્લે 1 ચમચી ઇનો ફ્રૂટ સોલ્ટ ઉમેરો અને તેને સારી રીતે મિક્સ કરી દો આ બેટરને 10 મિનિટ માટે આ રીતે રહેવા દો.

3: હવે, ગેસ ચાલુ કરો, એક નોન-સ્ટીક પેનમાં થોડું માખણ ગરમ કરો અને તેને સરખી રીતે ફેલાવો અને પછી તેમાં મૂંગલેટ બેટર રેડો. મંગલેટને મધ્યમ તાપ પર ગોલ્ડન બ્રાઉન થાય ત્યાં સુધી રાંધો. તે એકદમ ફ્લફી છે તેથી તેને બંને બાજુથી સારી રીતે રાંધવું જોઈએ. મૂંગલેટ ગરમાગરમ પીરસો અને તેનો આનંદ માણો.