શાકભાજીથી કંટાળ્યા છો, તો શિયાળામાં પીઓ આ ખાસ સૂપ, રહેશો હેલ્ધી

• ગાજરનો હલવો નહીં પણ સૂપ આપશે વધારે મજા
  
• ટેસ્ટી અને હેલ્ધી સૂપ હેલ્થ માટે પણ રહેશે બેસ્ટ
• ફટાફટ ઘરે બનાવી શકાશે આ હેલ્ધી સૂપ

જો રોજે રોજ એકના એક શાક ખાઇને કંટાળી ગયા છો અને તે પણ ન ભાવતા શાક ખાવા પડે છે. તો હવે તમારા માટે શિયાળો બેસ્ટ ઓપ્શન લઇને આવ્યો છે. તમે આ શાકને સૂપમાં કન્વર્ટ કરી શકો છો. તમારા પરિવારની હેલ્થને માટે આ શાકભાજીમાંથી સરળતાથી બની જતા સૂપ બેસ્ટ ઓપ્શન છે. હેલ્ધી અને ટેસ્ટી સૂપ બાળકોની સાથે મોટેરાંઓને માટે પણ બેસ્ટ ઓપ્શન છે. એક વાડકો ગરમાગરમ સૂપની મજા શિયાળાની સિઝનમાં તબિયત ખુશ કરી દે છે. તો રાહ કોની જુઓ છો, બનાવો તમારા રસોડામાં ગાજરનો એટલે કે કેરટ સૂપ. ફટાફટ બની જતો આ ટેસ્ટી સૂપ તમારી હેલ્થને પણ બેસ્ટ રાખશે અને તેનો સ્વાદ તમે ભૂલી શકશો નહીં.

કેરેટ સૂપ

સામગ્રી

- 250 ગ્રામ ગાજર

- 1 મીડિયમ બટાકું

- 50 ગ્રામ કોબીજ

- 1/2 ટીસ્પૂન મરીનો ભૂકો

- 1/2 ટીસ્પૂન તજનો પાઉડર

- 1 કપ વ્હાઈટ સોસ

- 1/2 કપ ક્રીમ

- મીઠું સ્વાદ અનુસાર

રીત

એક વાસણમાં પાંચ કપ પાણી મૂકી ઉકાળવું. તેમાં ગાજરને છોલી, ધોઈ, વચ્ચેનો સફેદ ભાગ કાઢી કટકા કરીને નાંખવા. બટાકા અને ડુંગળીને છોલી કટકા કરવા અને કોબીને સમારવી. પછી આ બધું પાણીમાં નાંખીને ઊકળવા દેવું. બફાઈ જાય એટલે નીચે ઉતારી, ઠંડું પાડી લિક્વિડાઈઝર કે મિક્સરમાં નાંખવું. એકરસ કરી ગાળી લેવું. પછી ઉકળવા મૂકવું. તેમાં મીઠું, તજનો પાઉડર, મરીનો ભૂકો, ક્રીમ અને વ્હાઈટ સોસ ઉમેરી, ગેસ પરથી ઉતારી લેવું. ગરમાગરમ સૂપ સર્વ કરવો.