આજે સમગ્ર વિશ્વમાં જ્યારે 'વેલેન્ટાઈન ડે'ની ઉજવણી થઈ રહી છે, ત્યારે રંગીલા રાજકોટમાં હિન્દુ સંગઠનો દ્વારા આ દિવસનો ઉગ્ર વિરોધ કરવામાં આવ્યો છે. રાજકોટ શહેરના જાણીતા રેસકોર્સ વિસ્તારમાં આવેલા લવ ગાર્ડન ખાતે બજરંગ દળના કાર્યકરો મોટી સંખ્યામાં એકઠા થયા હતા અને પાશ્ચાત્ય સંસ્કૃતિના આંધળા અનુકરણ સામે વિરોધ પ્રદર્શન કર્યું હતું.
સંસ્કૃતિ રક્ષણના નામે વિરોધ
બજરંગ દળના કાર્યકરોએ હાથમાં ભગવા ધ્વજ સાથે 'જય શ્રી રામ'ના ગગનભેદી સૂત્રોચ્ચાર કર્યા હતા. કાર્યકરોનો આરોપ છે કે, વેલેન્ટાઈન ડે એ ભારતીય સંસ્કૃતિનો ભાગ નથી અને આ દિવસે જાહેરમાં થતું આચરણ યુવા પેઢીને ગેરમાર્ગે દોરે છે. રાજકોટના રેસકોર્સ ગાર્ડનમાં બેઠેલા અને વેલેન્ટાઈન ડેની ઉજવણી કરતા યુગલોને કાર્યકરોએ અટકાવ્યા હતા અને તેમને ભારતીય મર્યાદાનું પાલન કરવા તાકીદ કરી હતી.
