રાજકોટના જસદણમાં માર મારતો વીડિયો વાયરલ થયો છે. આ વીડિયોને લઈને પોલીસ હરકતમાં આવી છે. આ વીડિયોની તપાસ એએસપીને સોંપવામાં આવી છે. વાડીનો માલિક અન્ય સ્ત્રી સાથે રંગરેલિયા મનાવી રહ્યો હતો. આ દરમિયાન સ્થાનિક લોકોએ તેને પકડ્યો હતો અને બંને જણાને માર માર્યો હતો. જીવાપરમાં કારખાનેદાર અને શ્રમિકની પત્નીને તાલિબાની સજા આપવામાં આવી હતી.
પ્રેમી પંખીડાઓને માર મારવામાં આવ્યો
જીવાપરમાં આ માર મારતો વીડિયો વાયરલ થયા બાદ સ્થાનિક પોલીસ અંધારામાં હતી. જેથી તેની તપાસ ASPને સોંપવા માટે જિલ્લા પોલીસ વડાએ આદેશ કર્યો છે. જસદણ પંથકના જીવાપર ગામમાં પ્રેમી પંખીડાઓને માર મારવામાં આવ્યો હતો. તાલિબાની સજા આપતો વીડિયો વાયરલ થયા બાદ ભારે ખળભળાટ મચી જવા પામ્યો હતો. પોલીસ આ ઘટના અંગે અજાણ હોવાનું જણાવી રહી છે.
