ગુજરાત સ્થાનિક સ્વરાજની ચૂંટણીમાં ભાજપે સાંજે 5 વાગ્યા સુધી 8696 માંથી 6442 બેઠકો જીતીને વિરોધ પક્ષોના અસ્તિત્વ સામે સવાલ ઉભા કરી દીધા છે. આ પ્રચંડ જીત બાદ ગાંધીનગર સ્થિત 'કમલમ' ખાતે દિવાળી જેવો માહોલ સર્જાયો છે. સીએમ ભૂપેન્દ્ર પટેલ, જગદીશ વિશ્વકર્મા અને હર્ષ સંઘવીની હાજરીમાં ભવ્ય ઉજવણી શરૂ થઈ છે.
સીએમ ભૂપેન્દ્ર પટેલ: "નકારાત્મકતાને જનતાએ નકારી"
સીએમ ભૂપેન્દ્ર પટેલે વિજય ઉત્સવમાં જણાવ્યું કે, "ગુજરાતની જનતા ક્યારેય નકારાત્મકતા સ્વીકારતી નથી. પીએમ મોદીના વિકાસના સપનાને આગળ વધારવા જનતાએ સમર્થન આપ્યું છે. અમે પહેલા દિવસથી ટીમ વર્ક કરી જે પ્રવાસ કર્યો હતો, તેનું જ આ સચોટ પરિણામ છે."
