ગુજરાતમાં આજે યોજાયેલી સ્થાનિક સ્વરાજની ચૂંટણી અંતર્ગત પાટનગર ગાંધીનગર જિલ્લામાં મતદાન પ્રક્રિયા શાંતિપૂર્ણ રીતે પૂર્ણ થઈ છે. કાળઝાળ ઉનાળાની ગરમી વચ્ચે પણ મતદારોમાં અનેરો ઉત્સાહ જોવા મળ્યો હતો. સવારના 7 વાગ્યાથી સાંજના 6 વાગ્યા સુધી ચાલેલા આ મતદાન બાદ હવે તમામ ઉમેદવારોના ભાવિ EVM મશીનમાં સીલ થઈ ગયા છે.
ચુસ્ત સુરક્ષા વચ્ચે EVM સીલ કરાયા
મતદાન પ્રક્રિયા પૂર્ણ થતાની સાથે જ ચૂંટણી પંચના અધિકારીઓ દ્વારા પોલિંગ એજન્ટોની હાજરીમાં EVM (Electronic Voting Machines) સીલ કરવાની કામગીરી હાથ ધરવામાં આવી હતી. ગાંધીનગર જિલ્લા પંચાયત, તાલુકા પંચાયત અને નગરપાલિકાઓના ઉમેદવારોના મતો ધરાવતા આ મશીનોને લોખંડી પોલીસ બંદોબસ્ત હેઠળ સુરક્ષિત રીતે નક્કી કરેલા સ્ટ્રોંગ રૂમ ખાતે ખસેડવામાં આવ્યા છે. સ્ટ્રોંગ રૂમની બહાર સીસીટીવી કેમેરા અને સશસ્ત્ર જવાનોનો પહેરો ગોઠવી દેવામાં આવ્યો છે.
