• પેરિસ ઓલિમ્પિકમાં ભારતે પહેલો મેડલ જીત્યો છે
  • મનુ ભાકરે 10 મીટર એર પિસ્તોલમાં બ્રોન્ઝ જીત્યો
  • વડાપ્રધાન નરેન્દ્ર મોદીએ મનુ ભાકરને અભિનંદન પાઠવ્યા

પેરિસ ઓલિમ્પિકમાં ભારતે પહેલો મેડલ જીત્યો છે. મનુ ભાકરે 10 મીટર એર પિસ્તોલ સ્પર્ધામાં બ્રોન્ઝ મેડલ જીતીને ભારતને પ્રથમ મેડલ અપાવ્યો છે.આ સાથે તે ઓલિમ્પિક મેડલ જીતનારી પ્રથમ ભારતીય મહિલા શૂટર બની છે. વડાપ્રધાન નરેન્દ્ર મોદીએ મનુ ભાકરને તેમની સિદ્ધિને અદ્ભુત ગણાવીને અભિનંદન પાઠવ્યા છે. આ ઈવેન્ટમાં દક્ષિણ કોરિયાએ ગોલ્ડ અને સિલ્વર મેડલ જીત્યા છે.

ટોક્યો ઓલિમ્પિકમાં થઈ હતી નિરાશ 

મનુ ભાકરે પેરિસ ઓલિમ્પિકમાં ટોક્યો ઓલિમ્પિકમાં નિરાશાને પાછળ છોડી દીધી છે. પિસ્તોલમાં ટેકનિકલ ખામીને કારણે તે આગળ વધી શકી નહીં, જેના કારણે તે ભાવુક પણ થઈ ગઈ હતી. પરંતુ પેરિસમાં તેણે એક કલાક અને 15 મિનિટ સુધી પોતાનું સંયમ જાળવી રાખ્યો અને ભારતને મેડલ અપાવ્યો હતો. આ સાથે ભારતે 2012 લંડન ઓલિમ્પિક બાદ શૂટિંગમાં કોઈ મેડલ જીત્યો ન હતો.

રિયો ઓલિમ્પિક 2016 બાદ પિતા પાસેથી બંદૂક માંગી હતી

મનુ હરિયાણાના ઝજ્જરની રહેવાસી છે. તેના પિતા મર્ચન્ટ નેવીમાં ચીફ એન્જિનિયર છે. તેમણે 14 વર્ષની ઉંમરે શૂટિંગમાં કારકિર્દી બનાવવાનું નક્કી કર્યું. રિયો ઓલિમ્પિક 2016 પૂરો થયા પછી જ તેણે તેના પિતા પાસે શૂટિંગ પિસ્તોલ માંગી હતી. શૂટિંગ પિસ્તોલ મનુ એપ્રિલ 2016માં પહેલીવાર શૂટિંગ રેન્જમાં પહોંચી હતી. માત્ર 15 દિવસ બાદ તેણે હરિયાણા ઓપન ટુર્નામેન્ટમાં ગોલ્ડ મેડલ જીત્યો હતો.


  • Follow us on: