Paris Olympics 2024: ઓલિમ્પિક વિલેજમાં દિગ્ગજ કોચનું મોત, સામે આવ્યું ચોંકાવનારુ કારણ

• ઓલિમ્પિક વિલેજમાંથી એક ખરાબ સમાચાર સામે આવ્યા છે
  
• સમોઆના બોક્સિંગ કોચ લિયોનેલ અલીકા ફતુપૈતોનું નિધન
• એટો એટો પ્લોડ્ઝિકી ફાઓગાલીને કોચિંગ આપી રહ્યા હતા

પેરિસ ઓલિમ્પિક 2024માં ખેલાડીઓ અને કોચિંગ સ્ટાફને રહેવા માટે તૈયાર કરવામાં આવેલા ઓલિમ્પિક વિલેજમાંથી એક ખરાબ સમાચાર સામે આવ્યા છે. ઓલિમ્પિક ગામમાં એક કોચનું મોત થયું છે. જ્યારે આ કોચના નિધનના સમાચાર બહાર આવ્યા ત્યારે ઓલિમ્પિક વિલેજમાં તમામ પ્રકારની ચર્ચાઓ શરૂ થઈ ગઈ હતી. જો કે હવે આ મોતનું કારણ પણ સામે આવ્યું છે.

કોચ લિયોનેલ અલીકા ફતુપૈતોનું નિધન

સમોઆના બોક્સિંગ કોચ લિયોનેલ અલીકા ફતુપૈતોનું મૃત્યુ થયું છે. શુક્રવારે મોડી રાત્રે લિયોનેલ એલિકાનું અવસાન થયું હતું. પેરિસ ઓલિમ્પિક-2024ના ઉદઘાટન સમારોહના દિવસે ઓલિમ્પિક વિલેજમાં તેણે અંતિમ શ્વાસ લીધા હતા. ફતુપૈતો પેરિસ ઓલિમ્પિક્સ-2024માં ટોચના ક્રમાંકિત હેવીવેઇટ બોક્સર અને સમોઆના એકમાત્ર બોક્સર એટો એટો પ્લોડ્ઝિકી ફાઓગાલીને કોચિંગ આપી રહ્યા હતા.

સમોઆના બોક્સિંગ કોચ વિશે માહિતી આપતાં ઓલિમ્પિક અધિકારીઓએ જણાવ્યું હતું કે ઓલિમ્પિક વિલેજમાં લિયોનેલ અલીકા ફતુપૈતો (60)નું હાર્ટ એટેકથી મૃત્યુ થયું હતું. તેમના મૃત્યુ પછી, ઓલિમ્પિક આયોજન સમિતિએ તેમના પરિવાર, મિત્રો અને સહકર્મીઓ પ્રત્યે સંવેદના વ્યક્ત કરી હતી. સ્થાનિક વહીવટીતંત્રે માહિતી આપી હતી કે ઇમરજન્સી સેવાઓએ તેમને સારવાર પૂરી પાડી હતી, પરંતુ તેઓ તેમને બચાવી શક્યા ન હતા.

એટો પ્લોડ્ઝિકી ફાઓગાલીએ શું કહ્યું?

તેમના કોચ લિયોનેલ અલીકા ફતુપૈતોના મૃત્યુ પછી, એટો પ્લોડ્ઝિકી ફાઓગાલી તેમની સાથેની તેમની પ્રથમ મુલાકાતને યાદ કરે છે. તેણે કહ્યું, 'હું પહેલીવાર કોચ લિયોનેલને મળ્યો હતો જ્યારે હું 15 વર્ષનો હતો અને સમોઆની યુવા ટીમ માટે ટ્રાયલ આપી રહ્યો હતો. તે એક દયાળુ અને ઉદાર કોચ હતો.હું તમને ખૂબ જ મિસ કરીશ. તે જ સમયે, ઇન્ટરનેશનલ બોક્સિંગ એસોસિએશને એક નિવેદનમાં કહ્યું કે 'લિયોનેલના સમર્પણ અને રમત પ્રત્યેના જુસ્સાએ બોક્સિંગ સમુદાય પર અમીટ છાપ છોડી છે. તેમનો વારસો ભાવિ પેઢીઓને પ્રેરણા આપતો રહેશે. અમારા વિચારો અને પ્રાર્થના સમોઆ અને તેની ટીમ સાથે છે.