- ફાસ્ટ બોલર નિરંજના નાગરાજને કરી નિવૃતિની જાહેરાત
- નિરંજના નાગરાજને એક ઈન્સ્ટાગ્રામ પર આપી માહિતી
- તેણે વર્ષ 2016માં ભારત માટે તેની છેલ્લી મેચ રમી હતી
ભારતીય મહિલા ટીમ હાલમાં સાઉથ આફ્રિકા સામે વનડે સિરીઝ રમી રહી છે. હવે ભારતીય મહિલા ટીમની ફાસ્ટ બોલર નિરંજના નાગરાજને સોશિયલ મીડિયા પર પોસ્ટ કરીને નિવૃત્તિની જાહેરાત કરી છે. તે હાલમાં ભારતીય ટીમનો ભાગ નથી અને તેણે વર્ષ 2016માં ભારત માટે તેની છેલ્લી મેચ રમી હતી. તે છેલ્લા 8 વર્ષથી ટીમ ઈન્ડિયામાં જગ્યા બનાવી શકી ન હતી.
નિરંજના નાગરાજને એક ઈન્સ્ટાગ્રામ પર આપી માહિતી
નિરંજના નાગરાજને એક ઈન્સ્ટાગ્રામ પોસ્ટમાં લખ્યું છે કે પ્રોફેશનલ લેવલ પર ક્રિકેટ રમવું એ મારા માટે સૌથી સારી બાબત રહી છે, કારણ કે જીવનની દરેક વસ્તુ અહીંથી શરૂ થઈ હતી. આ રમત રમવાથી મને જીવનમાં આગળ વધવાનું કારણ મળ્યું. મેં 24 વર્ષથી પ્રોફેશનલી આ ગેમ રમી છે. હવે હું તમામ આંતરરાષ્ટ્રીય અને સ્થાનિક ફોર્મેટમાંથી નિવૃત્તિ લઈ રહી છું. હું દરેકની આભારી છું. જ્યારે હું પાછું વળીને જોઉં છું, ત્યારે તે એક સુંદર સફર રહી છે.
આ મારા માટે સન્માનની વાત છે કે મેં ત્રણેય ફોર્મેટમાં ક્રિકેટ રમી છે. હું મારી દાદીની આભારી છું, જેમના કારણે મેં ક્રિકેટ રમવાનું શરૂ કર્યું. તેણે તેના પતિ, માતા-પિતા, BCCI અને તમિલનાડુ ક્રિકેટ એસોસિએશનનો પણ આભાર માન્યો હતો.
ભારત માટે ત્રણેય ફોર્મેટમાં બનાવ્યા આટલા રન
35 વર્ષની નિરંજના નાગરાજને ભારતીય મહિલા ટીમ માટે ત્રણેય ફોર્મેટમાં ક્રિકેટ રમી છે. તેણે 2008માં ભારત માટે વનડેમાં ડેબ્યૂ કર્યું હતું. તેણી છેલ્લે 2016માં શ્રીલંકા પ્રવાસ દરમિયાન રાંચીમાં T20 મેચ રમી હતી. નિરંજનાએ ભારત માટે 2 ટેસ્ટમાં 27 રન, 22 ODI મેચોમાં 70 રન અને 14 T20I મેચોમાં 42 રન બનાવ્યા છે. ત્રણેય ફોર્મેટમાં તેની શરૂઆત ઈંગ્લેન્ડ સામે થઈ હતી. આ સિવાય તેણે 2 ટેસ્ટમાં 4 વિકેટ, 22 ODIમાં 24 વિકેટ અને 14 T20I મેચમાં 9 વિકેટ ઝડપી છે.
