- સાઉથ આફ્રિકા અફઘાનિસ્તાનને હરાવીને ફાઈનલમાં પહોંચ્યું
- હાર બાદ અફઘાનિસ્તાનના કોચ જોનાથન ટ્રોટે પોતાનું મૌન તોડ્યું
- સેમિફાઈનલ મેચ માટે આવી પિચ ના હોવી જાઈએ: જોનાથન ટ્રોટ
T20 વર્લ્ડકપ 2024ની પ્રથમ સેમિફાઇનલ સાઉથ આફ્રિકા અને અફઘાનિસ્તાન વચ્ચે રમાઈ હતી. અફઘાનિસ્તાનને ત્રિનિદાદના બ્રાયન લારા સ્ટેડિયમમાં રમાયેલી સેમિફાઇનલ મેચમાં 9 વિકેટે કારમી હારનો સામનો કરવો પડ્યો હતો. હવે મેચ બાદ અફઘાનિસ્તાનના કોચ જોનાથન ટ્રોટે પોતાનું મૌન તોડ્યું અને પિચ વિશે વાત કરી હતી. તેણે કહ્યું કે સેમિફાઈનલ મેચ માટે આવી પિચ ના હોવી જાઈએ.
જોનાથન ટ્રોટનું નિવેદન
જોનાથન ટ્રોટે મેચ પછીની પ્રેસ કોન્ફરન્સમાં કહ્યું, "હું મારી જાતને મુશ્કેલીમાં મૂકવા માંગતો નથી, પરંતુ હું ખાટી દ્રાક્ષની જેમ બોલવા માંગતો નથી, પરંતુ આ તે પિચ નથી કે જેના પર તમે વર્લ્ડકપની સેમિફાઈનલ રમવા માગો છો. આ નિષ્પક્ષ ટૂર્નામેન્ટ હોવી જોઈએ. અફઘાન કોચે આગળ કહ્યું, "હું એવું નથી કહેતો કે પિચ સ્પિન અથવા સીમ મૂવમેન્ટ વિના સંપૂર્ણપણે સપાટ હોવી જોઈએ.
સેમિફાઈનલ મેચની સ્થિતિ
સેમીફાઈનલ મેચમાં અફઘાનિસ્તાને ટોસ જીતીને બેટિંગ કરવાનો નિર્ણય લીધો હતો. ટીમનો આ નિર્ણય તેમના માટે સાવ ખોટો સાબિત થયો. પ્રથમ બેટિંગ કરતા ટીમ 11.5 ઓવરમાં માત્ર 56 રનમાં ઓલઆઉટ થઈ ગઈ હતી. અફઘાનિસ્તાન માટે, અઝમતુલ્લા ઓમરઝાઈએ ડબલ આંકડો પાર કર્યો અને 10 રન બનાવ્યા, જે ટીમ માટે સૌથી વધુ સ્કોરર હતો. ત્યારબાદ લક્ષ્યનો પીછો કરતી વખતે સાઉથ આફ્રિકાએ 8.5 ઓવરમાં 1 વિકેટે જીત મેળવી હતી.
