વિરાટે ગિફ્ટમાં આપ્યું બેટ, આકાશદીપે ફટકારી 2 સિક્સ; કોહલીની પ્રતિક્રિયા વાયરલ

રોહિત શર્માની આગેવાનીમાં ભારતીય ટીમ કાનપુરમાં બાંગ્લાદેશ સામે બીજી ટેસ્ટ મેચ રમી રહી છે. આ મેચમાં ભારતીય ટીમના બેટ્સમેનોએ આક્રમક બેટિંગ કરીને બાંગ્લાદેશના બોલરોની કમર તોડી નાખી હતી. આ મેચમાં ભારતીય ફાસ્ટ બોલર આકાશદીપે 2 સિક્સર ફટકારી હતી. ખાસ વાત એ છે કે તેણે કોહલીના બેટથી આવી સિદ્ધિ હાંસલ કરી હતી, જે બાદ વિરાટ કોહલીનું રિએકશન સામે આવ્યું છે.

વિરાટે બેટ ભેટમાં આપ્યું હતું

વિરાટ કોહલીએ થોડા દિવસ પહેલા આકાશદીપને બેટ ગિફ્ટ કર્યું હતું. આકાશદીપે તેની ઈન્સ્ટાગ્રામ સ્ટોરી પર વિરાટના બેટની તસવીર શેર કરી હતી, જેમાં ફાસ્ટ બોલરે વિરાટ કોહલીનો આભાર માન્યો હતો. હવે આ જ બેટથી આકાશે પહેલા 3 બોલમાં 2 સિક્સર ફટકારીને કમાલ કરી હતી. જે બાદ ડગઆઉટમાં બેઠેલા વિરાટ કોહલી ખુશીથી ઉછળી પડ્યા, તેની પ્રતિક્રિયા પણ સોશિયલ મીડિયા પર વાયરલ થઈ છે.

કોહલીએ રચ્યો ઈતિહાસ

આ મેચમાં વિરાટ કોહલીએ એક મોટો રેકોર્ડ બનાવ્યો હતો. તેણે આ મેચમાં આક્રમક બેટિંગ કરી અને આંતરરાષ્ટ્રીય ક્રિકેટમાં 27 હજાર રન પણ પૂરા કર્યા. તેણે 35 બોલમાં 47 રનની ઇનિંગ રમી હતી. આ મેચમાં શાકિબ અલ હસને વિરાટને બોલ્ડ કર્યો હતો. આ ઉપરાંત યશસ્વી જયસ્વાલ ટેસ્ટ ક્રિકેટમાં સૌથી ઝડપી ફિફ્ટી પૂરી કરનારો ચોથો ભારતીય બેટ્સમેન પણ બન્યો છે. તેણે ભૂતપૂર્વ ભારતીય બેટ્સમેન વીરેન્દ્ર સેહવાગનો રેકોર્ડ તોડ્યો હતો. જયસ્વાલે 31 બોલમાં 50 રન પૂરા કર્યા હતા. તેણે સેહવાગનો રેકોર્ડ તોડ્યો હતો જ્યારે તેણે 2008માં 32 બોલમાં 50 રન બનાવ્યા હતા.

ભારતે તેનો દાવ ડિકલેર કર્યો હતો

બાંગ્લાદેશ પ્રથમ દાવમાં 233 રન સુધી મર્યાદિત રહી હતી. જેના જવાબમાં ભારતે 285/9 રન બનાવીને દાવ ડિકલેર કર્યો હતો. ભારત તરફથી જયસ્વાલે 51 બોલમાં 72 રન બનાવ્યા હતા જ્યારે કેએલ રાહુલે 43 બોલમાં 68 રનની ઇનિંગ રમી હતી.