FIFA વર્લ્ડકપની ધૂમધામથી શરૂઆત, કલાકારોએ ચાહકોના જીત્યા દિલ

• ફિફા વર્લ્ડકપની ઓપનિંગ સેરેમનીમાં કલાકારોએ ધૂમ મચાવી હતી
  
• દક્ષિણ કોરિયન રોક બેન્ડ BTSએ પરફોર્મ કર્યું
• ફહાદ અલ કુબૈસીએ પણ પોતાની કળા ચાહકો સમક્ષ રજૂ કરી

ફિફા વર્લ્ડકપની 22મી સિઝન કતારમાં 20 નવેમ્બરથી શરૂ થઈ છે. આ ટૂર્નામેન્ટની ઓપનિંગ સેરેમનીમાં ઘણા મોટા કલાકારોએ પોતાનો ચાર્મ ફેલાવ્યો હતો. ઓપનિંગ સેરેમની 60,000 ચાહકોની ક્ષમતા ધરાવતા બાયત સ્ટેડિયમમાં થઈ હતી.

60,000 દર્શકોએ લીધી મજા

કતારમાં ફિફા વર્લ્ડકપની 22મી સિઝન શરૂ થઈ ગઈ છે. ઓપનિંગ સેરેમનીમાં ઉપસ્થિત કલાકારોએ ચાહકોના દિલ જીતી લીધા હતા. આ ટુર્નામેન્ટ 18 ડિસેમ્બર સુધી ચાલશે. આ ટુર્નામેન્ટના ઉદઘાટન સમારોહની તારીખ 21 નવેમ્બર હતી પરંતુ FIFA એ તેમાં ફેરફાર કર્યો અને તેનું આયોજન 20 નવેમ્બરે કરવામાં આવ્યું. ઉદ્ઘાટન સમારોહ બાયત સ્ટેડિયમ ખાતે યોજાયો હતો, જ્યાં 60,000 દર્શકો આરામથી બેસી શકે છે.

રોક બેન્ડ BTSએ પરફોર્મ કર્યું

ઓપનિંગ સેરેમનીમાં દક્ષિણ કોરિયન રોક બેન્ડ BTSએ પરફોર્મ કર્યું હતું. આ સિવાય ફહાદ અલ કુબૈસીએ પણ પોતાની કળા ચાહકો સમક્ષ રજૂ કરી હતી. આ ટુર્નામેન્ટમાં લગભગ 32 ટીમો ભાગ લઈ રહી છે. આ તમામ ટીમોને ચાર-ચાર ગ્રૂપમાં વહેંચવામાં આવી છે અને કુલ આઠ ગ્રૂપ બનાવવામાં આવ્યા છે. વર્લ્ડ કપની શરૂઆતની મેચ કતાર અને એક્વાડોર વચ્ચે રમાઈ હતી.

મેસ્સી, રોનાલ્ડોનો છેલ્લો વર્લ્ડકપ

લિયોનેલ મેસ્સી, ક્રિસ્ટિયાનો રોનાલ્ડો અને નેમાર જેવા ખેલાડીઓ માટે આ ટૂર્નામેન્ટ છેલ્લો વર્લ્ડકપ સાબિત થઈ શકે છે. આવી સ્થિતિમાં, આ વખતે તે ખૂબ દબાણ રહેશે. અત્યાર સુધી આ ટૂર્નામેન્ટમાં બ્રાઝિલે સૌથી વધુ વખત ટાઇટલ જીત્યું છે. બ્રાઝિલે 5 વખત ફિફા વર્લ્ડકપ ટ્રોફી જીતી છે. ગ્રુપ રાઉન્ડ પછી કુલ 16 ટીમો ક્વાર્ટર ફાઇનલમાં પહોંચશે, ત્યાર બાદ નોકઆઉટ મેચો શરૂ થશે. ટૂર્નામેન્ટની ફાઇનલ મેચ 18 ડિસેમ્બરે રમાશે.

શરૂઆતની મેચમાં કતારનો પરાજય

ફિફા વર્લ્ડકપની પ્રથમ મેચ કતાર અને એક્વાડોર વચ્ચે રમાઈ હતી. આ મેચમાં ઇક્વાડોરે યજમાન ટીમને 2-0થી કારમી હાર આપી હતી. કતાર હવે નેધરલેન્ડ અને સેનેગલ સામેની આગામી મેચો જીતીને ટુર્નામેન્ટમાં વાપસી કરશે. ફિફા વર્લ્ડકપના ઈતિહાસમાં આવું પહેલીવાર બન્યું છે કે જ્યારે યજમાન ટીમને શરૂઆતની મેચમાં હારનો સામનો કરવો પડ્યો હોય.