- રવિચંદ્રન અશ્વિને રાંચી ટેસ્ટનીમાં એક વિકેટ લઈને એક અનોખી સિદ્ધિ મેળવી
- અશ્વિન ટેસ્ટ ક્રિકેટમાં પ્રથમ વખત કેપ્ટન્સી કરતો જોવા મળ્યો
- અશ્વિનને તેની 99મી ટેસ્ટ મેચમાં પ્રથમ વખત આ જવાબદારી મળી
ભારતીય ક્રિકેટ ટીમના સ્ટાર સ્પિનર રવિચંદ્રન અશ્વિને રાંચી ટેસ્ટનીમાં એક વિકેટ લઈને એક અનોખી સિદ્ધિ નોંધાવી અને કોઈપણ ટીમ સામે 1000 રન અને 100 ટેસ્ટ રન બનાવનાર પ્રથમ ભારતીય બન્યો. આ સિવાય મેચની 79મી ઓવરમાં રવિચંદ્રન અશ્વિન ટેસ્ટ ક્રિકેટમાં પ્રથમ વખત કેપ્ટન્સી કરતો જોવા મળ્યો હતો. અશ્વિનને તેની 99મી ટેસ્ટ મેચમાં પ્રથમ વખત આ જવાબદારી મળી છે. તમને જણાવી દઈએ કે ઈંગ્લેન્ડ સામેની ટેસ્ટ સીરીઝમાં ટીમ ઈન્ડિયાના વાઇસ કેપ્ટન રહેલા જસપ્રીત બુમરાહ રાંચી ટેસ્ટમાંથી બહાર છે. આ કારણે અશ્વિનને આ મેચ માટે વાઇસ કેપ્ટન બનાવવામાં આવ્યો હતો.
અશ્વિનને કેમ મળી કેપ્ટનશીપ?
કોઈ કારણસર ભારતીય કેપ્ટન રોહિત શર્મા ઈંગ્લેન્ડની બેટિંગની 79મી ઓવરમાં મેદાનની બહાર ગયો હતો. આ દરમિયાન ટીમના વાઇસ કેપ્ટન રવિચંદ્રન અશ્વિન ટીમની કેપ્ટનશીપ કરતા જોવા મળ્યા હતા. આ ઓવરમાં રવિન્દ્ર જાડેજા બોલિંગ કરી રહ્યો હતો. અંગ્રેજીમાં કોમેન્ટ્રી કરી રહેલા દિનેશ કાર્તિકને એમ કહેતા સાંભળવા મળ્યા કે અશ્વિન હવે કેપ્ટન છે. જો કે, માત્ર એક ઓવર પછી રોહિત શર્મા પાછો ફર્યો અને ફરીથી કેપ્ટન તરીકે જોવા મળ્યો. પરંતુ અશ્વિન માટે આ ખૂબ જ ગર્વની ક્ષણ હતી. તેણે છેલ્લી મેચમાં જ ભારત માટે 500 ટેસ્ટ વિકેટ પૂરી કરી હતી અને આવું કરનાર અનિલ કુંબલે પછી બીજો ભારતીય બોલર બન્યો હતો.
બેયરસ્ટોની વિકેટ લઇ રચ્યો ઈતિહાસ
રવિચંદ્રન અશ્વિને રાંચી ટેસ્ટના પહેલા દિવસે જોની બેયરસ્ટોની વિકેટ લઈને ઈતિહાસ રચ્યો હતો. તેણે ઈંગ્લેન્ડ સામે 100 ટેસ્ટ વિકેટ પૂરી કરી અને આવું કરનાર પ્રથમ ભારતીય બન્યો. તે વિશ્વની કોઈપણ ટીમ સામે 1000 રન બનાવનાર અને 100 વિકેટ લેનાર પ્રથમ ભારતીય ખેલાડી પણ બન્યો છે. ઈંગ્લેન્ડ સામે આવું કરનાર તે વિશ્વનો ચોથો ખેલાડી બન્યો.
100મી ટેસ્ટની નજીક છે અશ્વિન
રવિચંદ્રન અશ્વિન રાંચીમાં પોતાની 99મી ટેસ્ટ મેચ રમી રહ્યો હતો. તે તેની 100મી ટેસ્ટ મેચ રમવાની નજીક છે. જો તે ધર્મશાલામાં પાંચમી ટેસ્ટ રમશે તો તે તેની કારકિર્દીની 100મી ટેસ્ટ મેચ હશે. તેના નામે અત્યાર સુધી 502 વિકેટ છે. તે ભારત માટે સૌથી વધુ વિકેટ લેનાર બીજા બોલર છે. અનિલ કુંબલે પ્રથમ સ્થાને છે જેણે 600થી વધુ વિકેટ પોતાના નામે કરી છે.
