એશિયાકપ 2025 T20 ફોર્મેટમાં યોજાશે! UAE અને ઓમાન બની શકે છે યજમાન

• ACCની વાર્ષિક બેઠક 31 જાન્યુઆરીએ બાલીમાં યોજાશે
  
• બેઠકમાં એશિયાકપ 2025ને લઈને ચર્ચા કરવામાં આવશે
• એશિયાકપ 2025નું આયોજન UAE અને ઓમાન યોજાશે

એશિયન ક્રિકેટ કાઉન્સિલ (ACC)ની વાર્ષિક બેઠક 31 જાન્યુઆરીએ બાલીમાં યોજાવા જઈ રહી છે. આ બેઠકમાં આવતા વર્ષે યોજાનાર એશિયાકપ અંગે ઉંડાણપૂર્વક ચર્ચા થશે. આ બેઠકમાં તમામ એશિયાઈ ક્રિકેટ દેશોના પ્રતિનિધિઓ હાજર રહેશે. ACC ચીફ અને BCCI સેક્રેટરી જય શાહ પણ બાલી જશે. હવે, આ બેઠકના બે દિવસ પહેલા, આગામી એશિયાકપના ફોર્મેટ અને તેના યજમાનને લગતી માહિતી બહાર આવવા લાગી છે. એક અહેવાલ મુજબ એશિયાકપ 2025 T20 ફોર્મેટમાં હશે. જ્યારે UAE અને ઓમાનને હોસ્ટિંગ રાઇટ્સ મળી શકે છે.

આ અહેવાલમાં જણાવવામાં આવ્યું હતું કે ACC તેની વાર્ષિક બેઠકમાં આગામી એશિયાકપ અંગે નિર્ણય લઈ શકે છે. પરંતુ મળતી માહિતી અનુસાર, આ ટૂર્નામેન્ટ T20 ફોર્મેટમાં રમાઈ શકે છે. જ્યારે UAE અને ઓમાનને આ ટૂર્નામેન્ટની યજમાની મળી શકે છે. ઉલ્લેખનીય છે કે છેલ્લો એશિયાકપ ODI ફોર્મેટમાં પાકિસ્તાન અને શ્રીલંકામાં હાઈબ્રિડ મોડલ પર રમાયો હતો. જેમાં 6 ટીમોએ ભાગ લીધો હતો.

T20 ફોર્મેટમાં શા માટે આયોજન કરી શકાય?

એશિયાકપ એક વખત ODI ફોર્મેટના આધારે અને એકવાર T20 ફોર્મેટના આધારે યોજાવાની શરૂઆત થઈ છે. આનો એક આધાર એ છે કે એશિયાકપ પછી જ્યારે આગામી વર્લ્ડકપ T20 યોજાય છે ત્યારે તે T20 ફોર્મેટમાં યોજાય છે. જ્યારે આ ટૂર્નામેન્ટ ODI વર્લ્ડકપ 2023 પહેલા આયોજિત કરવામાં આવી હતી, ત્યારે તે ODI ફોર્મેટમાં યોજાઈ હતી. 2019 વર્લ્ડકપ પહેલા, 2018માં ODI એશિયાકપ પણ યોજાયો હતો. આ કારણોસર, 2026 માં યોજાનાર T20 વર્લ્ડકપને ધ્યાનમાં રાખીને, આ ટૂર્નામેન્ટ ફક્ત T20 ફોર્મેટમાં જ યોજવામાં આવી શકે છે.

 અંગે મૂંઝવણ

ટુર્નામેન્ટનું આયોજન એસોસિયેટ સભ્યોને આપી શકાય કે નહીં તે અંગે હજુ પણ મૂંઝવણ છે. ક્લોઝ મુજબ, તે ફક્ત સંપૂર્ણ સભ્ય એશિયાઈ દેશમાં જ આયોજિત થવું જોઈએ. પરંતુ વાત એ પણ છે કે UAE બે વખત આ ટુર્નામેન્ટનું આયોજન કરી ચુક્યું છે. એશિયાકપ 2018 અને 2022નું આયોજન UAE દ્વારા કરવામાં આવ્યું હતું. 2023 એશિયાકપની કેટલીક મેચો પાકિસ્તાનમાં અને કેટલીક શ્રીલંકામાં રમાઈ હતી.