એશિયા કપની ફાઈનલમાં વરસાદનું સંકટ યથાવત, શું રિઝર્વ ડે પર રમાશે મેચ?

• એશિયા કપમાં સુપર-4 સ્ટેજ ચાલી રહ્યું છે
  
• ટુર્નામેન્ટની ફાઈનલ મેચ 17 સપ્ટેમ્બરે થશે
• ફાઈનલમાં પણ વરસાદની સંભાવના છે

શ્રીલંકામાં રમાઈ રહેલા એશિયા કપ 2023ની મેચોમાં અત્યાર સુધી વરસાદને કારણે ઘણી વિક્ષેપ સર્જાયો છે. ભારત-પાકિસ્તાનનો મેચ હોય કે અન્ય કોઈ ટીમો વચ્ચે મેચ હોય. દરેક મેચમાં વરસાદની સંભાવનાઓ હતી તેમજ ઘણી મેચોમાં વરસાદ વિધ્ન પણ બન્યો હતો. હવે તે જ સમયે, ટૂર્નામેન્ટની ફાઇનલ મેચના દિવસે ખરાબ હવામાનની સંભાવના છે.

એશિયા કપ 2023માં અત્યાર સુધી શ્રીલંકામાં રમાયેલી મેચોમાં વરસાદને કારણે ઘણી વિક્ષેપ સર્જાયો છે. હવે 17મી સપ્ટેમ્બરે કોલંબોના આર પ્રેમદાસા સ્ટેડિયમમાં રમાનાર ફાઈનલ મેચમાં ભારે વરસાદની સંભાવના છે. ભારતીય ટીમે સુપર-4માં શ્રીલંકાને હરાવીને એશિયા કપની ફાઇનલમાં પોતાનું સ્થાન નિશ્ચિત કરી લીધું છે. જ્યારે અન્ય ટીમનો નિર્ણય પાકિસ્તાન અને શ્રીલંકા વચ્ચેની મેચ દ્વારા નક્કી કરવામાં આવશે.

સુપર-4નું પોઈન્ટ ટેબલ

વરસાદને કારણે ટીમ ઈન્ડિયા સતત 3 દિવસ મેચ રમી હતી

વરસાદના કારણે ભારતીય ટીમ સતત 3 દિવસ સુધી મેચ રમી હતી. આમાં સૌથી પહેલા 10 સપ્ટેમ્બરે પાકિસ્તાન સામે મેચ રમી હતી, જે વરસાદના કારણે 11 સપ્ટેમ્બરના રિઝર્વ ડે પર પૂરી થઈ શકી હતી. 12 સપ્ટેમ્બરે ટીમ ઈન્ડિયા તેની આગામી મેચ શ્રીલંકા સામે ફરી રમી હતી. આ મેચમાં પણ વરસાદે વિક્ષેપ પાડ્યો હતો પરંતુ મેચ પૂર્ણ થઈ હતી.

ફાઈનલ મેચ રિઝર્વ ડે પર પૂર્ણ થશે!

14મી સપ્ટેમ્બરે પાકિસ્તાન અને શ્રીલંકા વચ્ચેની મહત્વની સુપર-4 મેચના દિવસે હવામાન સ્વચ્છ રહેવાની ધારણા છે. ફાઈનલ મેચ માટે હવામાન ઘણું ખરાબ હોઈ શકે છે. આવી સ્થિતિમાં ટાઇટલ મેચ રિઝર્વ ડે પર પૂર્ણ થવાની આશા છે.

પાકિસ્તાન માટે કરો યા મરો સ્થિતિ

ભારત સામેની મેચમાં ખરાબ રીતે હાર્યા બાદ હવે પાકિસ્તાનની ટીમે ફાઇનલમાં જગ્યા બનાવવા માટે શ્રીલંકા સામેની મેચ જીતવી પડશે. આવી સ્થિતિમાં જો ખરાબ હવામાનને કારણે આ મેચ રદ્દ થશે તો શ્રીલંકાની ટીમને ફાયદો થશે કારણ કે સુપર-4ના પોઈન્ટ ટેબલમાં શ્રીલંકાની ટીમનો નેટ રન રેટ પાકિસ્તાન કરતા ઘણો સારો છે. શ્રીલંકા અને પાકિસ્તાન બંનેના 2-2 પોઈન્ટ છે. આ મેચ માટે રિઝર્વ ડે પણ રાખવામાં આવ્યો નથી. હાલમાં, શ્રીલંકાનો નેટ રન રેટ -0.200 છે જ્યારે પાકિસ્તાનનો -1.892 છે.

ગ્રૃપ-Aનું પોઈન્ટ્સ ટેબલ

ગ્રૃપ-Bનું પોઈન્ટ્સ ટેબલ