- ઓસ્ટ્રેલિયાનો દોડવીર ગાઉટ ગાઉટ ઇતિહાસ રચવાથી થોડા માટે ચૂક્યો
- યુસૈન બોલ્ટનો 100 મીટરની દોડનો રેકોર્ડ તોડવામાં થોડા માટે ચૂક્યો ગાઉટ
- ગાઉટે 100 મીટરની દોડ 10.29 સેકન્ડમાં પૂરી કરી હતી
યુસૈન બોલ્ટ દુનિયાના દરેક ખૂણે જાણીતો છે. અનુભવી દોડવીર યુસૈન બોલ્ટે 100 મીટરની દોડમાં એક એવો વર્લ્ડ રેકોર્ડ બનાવ્યો, જેને આજ સુધી કોઈ તોડી શક્યું નથી. બોલ્ટે આ રેકોર્ડ 2009માં બનાવ્યો હતો. હવે 16 વર્ષીય દોડવીર ગાઉટ સુપ્રસિદ્ધ યુસૈન બોલ્ટનો રેકોર્ડ તોડવામાં લગભગ ચુકી ગયો. બોલ્ટે 100 મીટરની દોડ 9.58 સેકન્ડમાં પૂરી કરી હતી, જ્યારે ગાઉટે 100 મીટરની દોડ 10.29 સેકન્ડમાં પૂરી કરી હતી.
ગાઉટ ગાઉટ ઇતિહાસ રચવાથી થોડા માટે ચૂક્યો
બસ આ પછી જ ઓસ્ટ્રેલિયન રનર ગાઉટ ગાઉટનું નામ બધે ગુંજવા લાગ્યું. ઓસ્ટ્રેલિયામાં આયોજિત ક્વીન્સલેન્ડ એથ્લેટિક્સ ચેમ્પિયનશિપમાં ઓસ્ટ્રેલિયન રનરે આ સિદ્ધિ મેળવી હતી. તે રેસમાં પ્રથમ આવ્યો હતો. રેસનો બીજો સૌથી ઝડપી દોડવીર ગાઉટ ગાઉટથી લગભગ 10 પગલાં પાછળ હતો. એવું કહી શકાય કે ગાઉટ ગાઉટે રેસ એકતરફી જીતી લીધી.
ગાઉટ કોણ છે?
તમને જણાવી દઈએ કે ગાઉટનો જન્મ 29 ડિસેમ્બર 2007ના રોજ ઓસ્ટ્રેલિયાના ક્વીન્સલેન્ડમાં થયો હતો. તેના માતાપિતા સુદાનીસ છે. જોકે ગાઉટ ગાઉટના માતા-પિતા ઓસ્ટ્રેલિયામાં આવીને સ્થાયી થયા હતા. તેણે 15 વર્ષની ઉંમરે પણ અજાયબીઓ કરી બતાવી છે. તેણે 2023 ઓસ્ટ્રેલિયા જુનિયર એથ્લેટિક્સ ચેમ્પિયનશિપમાં ભાગ લીધો હતો, જેમાં તેણે અંડર-18 200 મીટર રેસની ફાઇનલમાં જીત મેળવી હતી. જાન્યુઆરીમાં, ગાઉટે 200 મીટરની દોડ 20.69 સેકન્ડમાં પૂરી કરી હતી.
યુસૈન બોલ્ટ સાથે સરખામણી થતા થયો ખુશ
એપ્રિલ 2024 માં, ગાઉટ ગાઉટે તેની યુસૈન બોલ્ટ સાથેની તુલના વિશે વાત કરી હતી. ગાઉટે કહ્યું, "યુસૈન બોલ્ટ મહાન છે કારણ કે બોલ્ટ દેખીતી રીતે જ ઓલટાઇમ મહાન એથ્લેટ છે. તેમની સાથે સરખામણી કરવી ખૂબ જ સારી અનુભૂતિ છે. હું ગાઉટ ગાઉટ છું, તેથી હું મારું નામ બનાવવાનો પ્રયાસ કરી રહ્યો છું." જો હું તેમના સ્તર સુધી પહોંચી શકું તો તે એક મોટી સફળતા હશે.
