ગૌતમ ગંભીર બનશે ભારતીય ટીમનો હેડ કોચ! BCCIએ આ રીતે કર્યા રાજી

• ગૌતમ ગંભીર બની શકે છે ભારતીય ટીમનો હેડ કોચ
  
• T20 વર્લ્ડકપ બાદ રાહુલ દ્રવિડનો કાર્યકાળ સમાપ્ત
• ગૌતમ ગંભીરે KKRની મેન્ટર શિપ છોડવી પડશે

ભારતીય ક્રિકેટ ટીમના ભૂતપૂર્વ અનુભવી ખેલાડી ગૌતમ ગંભીરની મેન્ટરશિપ હેઠળ KKRને IPL 2024માં ચેમ્પિયન બની હતી. સૌથી વધુ ચર્ચા એ છે કે રાહુલ દ્રવિડ બાદ ગંભીર ભારતીય ક્રિકેટ ટીમનો આગામી કોચ બનવા જઈ રહ્યો છે. એક રિપોર્ટ અનુસાર ગૌતમ ગંભીર ટીમ ઈન્ડિયાનો મુખ્ય કોચ બનશે તે લગભગ નિશ્ચિત છે. તેની માત્ર જાહેરાત કરવાની છે.

શું ગંભીર બનશે ટીમનો હેડ કોચ

IPL 2024ની ફાઈનલ 26મી મેના રોજ હતી અને ટીમ ઈન્ડિયાના મુખ્ય કોચના પદ માટે અરજી કરવાની છેલ્લી તારીખ 27મી મે હતી. BCCI સેક્રેટરી જય શાહ IPL ફાઈનલ બાદ તરત જ ગૌતમ ગંભીરને મળ્યા હતા. બંને લાંબા સમય સુધી વાત કરતા જોવા મળ્યા. હજુ સુધી એ જાણી શકાયું નથી કે ગંભીરે મુખ્ય કોચ પદ માટે અરજી કરી હતી કે નહીં, પરંતુ એ વાત ચોક્કસ છે કે BCCI તેને મુખ્ય કોચ બનાવવા માંગે છે. મોટી વાત એ છે કે ગંભીર પણ ટીમ ઈન્ડિયાનો હેડ કોચ બનવા માટે રાજી થઈ ગયો છે.

ગંભીર આ કારણોસર ટીમનો કોચ બનશે

એક અહેવાલ મુજબ ગૌતમ ગંભીર દેશ માટે ટીમ ઈન્ડિયાનો હેડ કોચ બનવા માટે રાજી થઈ ગયો છે. ગંભીર એક મહાન દેશભક્ત છે અને તેથી જ તે સાડા ત્રણ વર્ષ માટે ટીમ ઈન્ડિયામાં જોડાવા માટે રાજી થયો છે. જો ગૌતમ ગંભીર ટીમ ઈન્ડિયાનો હેડ કોચ બનશે તો તેના પર કામનો બોજ નોંધપાત્ર રીતે વધી જશે પરંતુ તે દેશ માટે આ બધું કરવા તૈયાર છે. હવે જો ગૌતમ ગંભીર ટીમ ઈન્ડિયાનો હેડ કોચ બને છે તો તેણે KKRની મેન્ટર શિપ છોડવી પડશે. ગંભીર ગમે ત્યારે KKRમાં વાપસી કરી શકે છે પરંતુ તેને ફરીથી ટીમ ઈન્ડિયાના કોચ બનવાની તક નહીં મળે. આ કારણે ગંભીર ફરી એકવાર બ્લુ જર્સી તરફ આગળ વધ્યો છે.