- IPL 2024માં કોલકાતા નાઈટ રાઈડર્સે આ સિઝનનો ખિતાબ જીત્યો
- આ સિઝનમાં ટીમોએ ખેલાડીઓ પર કરોડો રૂપિયાનો ખર્ચ કર્યો હતો
- આ સિઝનમાં કરોડો રૂપિયા લેનારા ઘણા ખેલાડીઓ ફ્લોપ રહ્યા
IPL 2024 સમાપ્ત થઈ ગયું છે. કોલકાતા નાઈટ રાઈડર્સે આ સિઝનનો ખિતાબ જીત્યો હતો. રોયલ ચેલેન્જર્સ બેંગ્લોર પ્લેઓફમાં પહોંચ્યું અને એલિમિનેટરમાં હારી ગયુ હતું. દિલ્હી કેપિટલ્સ પહેલા જ બહાર થઈ ગઈ હતી. આ રીતે માત્ર ચાર ટીમો જ પ્લેઓફમાં પહોંચી શકી હતી. આ સિઝનમાં ટીમોએ ખેલાડીઓ પર કરોડો રૂપિયાનો ખર્ચ કર્યો હતો. પરંતુ આનો લાભ માત્ર થોડી જ ટીમોને મળી શકે છે. આ સિઝનમાં કરોડો રૂપિયાનો પગાર લેનારા ઘણા ખેલાડીઓ ફ્લોપ રહ્યા હતા.
ગ્લેન મેક્સવેલ (રોયલ ચેલેન્જર્સ બેંગલુરૂ)
ઓસ્ટ્રેલિયન ખેલાડી ગ્લેન મેક્સવેલ RCBનો ભાગ હતો. RCBએ તેને 11 કરોડ રૂપિયામાં જાળવી રાખ્યો હતો. પરંતુ મેક્સવેલના ટીમમાં હોવાનો કોઈ ખાસ ફાયદો થયો ન હતો. તે બેટિંગમાં ખરાબ રીતે ફ્લોપ રહ્યો હતો. પોતાની બોલિંગમાં પણ વધારે સફળતા ન બતાવી શક્યો. મેક્સવેલે આ સિઝનમાં 10 મેચમાં 52 રન બનાવ્યા છે. 6 વિકેટ પણ લીધી હતી. RCBએ પ્લેઓફ સુધીનો પ્રવાસ ખેડ્યો હતો. પરંતુ એલિમિનેટર મેચમાં હારનો સામનો કરવો પડ્યો હતો. તેણે 14 મેચ રમી અને 7માં જીત મેળવી.
દેવદત્ત પડિક્કલ (લખનૌ સુપર જાયન્ટ્સ)
લખનૌ સુપર જાયન્ટ્સને દેવદત્ત પડિક્કલ ચુનો લગાવી ગયો. લખનૌ તેને ટ્રેડ દ્વારા રાજસ્થાન રોયલ્સ પાસેથી લીધો હતો. પડિક્કલને 7.75 કરોડ રૂપિયાનો પગાર મળ્યો હતો. પરંતુ તેનું પ્રદર્શન કંઈ ખાસ નહોતું. દેવદત્તે IPL 2024ની 7 મેચમાં 38 રન બનાવ્યા હતા. તે અડધી સદી પણ ફટકારી શક્યો નહોતો. લખનૌ પોઈન્ટ ટેબલમાં સાતમા નંબરે હતું.
કુમાર કુશાગ્ર (દિલ્હી કેપિટલ)
દિલ્હી કેપિટલ્સને કુમાર કુશાગ્ર પાસેથી ઘણી અપેક્ષાઓ હતી. પરંતુ તેઓ ફ્લોપ સાબિત થયા. દિલ્હીએ કુશાગ્રને 7.20 કરોડ રૂપિયા પગાર તરીકે આપ્યા. પરંતુ તે પોતાની પ્રતિભા બતાવી શક્યો નહીં. કુમાર કુશાગ્રને IPL 2024ની 4 મેચમાં રમવાની તક મળી. આ દરમિયાન તેણે માત્ર 3 રન બનાવ્યા હતા. દિલ્હી પોઈન્ટ ટેબલમાં છઠ્ઠા સ્થાને હતું. તેણે 14 મેચ રમી અને 7માં જીત મેળવી. આ સાથે 7 મેચમાં હારનો સામનો કરવો પડ્યો હતો.
