ભારત અને ઓસ્ટ્રેલિયા વચ્ચે બોર્ડર ગાવસ્કર ટ્રોફી 2024 22 નવેમ્બરથી શરૂ થવા જઈ રહી છે. જે માટે ટીમ ઈન્ડિયા ઓસ્ટ્રેલિયાના પ્રવાસે જશે. આ સમયગાળા દરમિયાન બંને ટીમો વચ્ચે પાંચ મેચની ટેસ્ટ સિરીઝ રમાશે. બંને દેશોમાં બોર્ડર ગાવસ્કર ટ્રોફી શરૂ થઈ છે.
દેશમાં જ્યારે પણ આ સિરીઝ શરૂ થઈ છે, ત્યારે તે ટીમનું પલડું હંમેશા ભારે રહ્યું છે. બોર્ડર ગાવસ્કર ટ્રોફી સિરીઝ ભારતમાં 9 વખત રમાઈ છે, જેમાંથી ટીમ ઈન્ડિયા 8 વખત જીતી છે. ઓસ્ટ્રેલિયામાં આ સિરીઝ 7 વખત રમાઈ છે, જેમાંથી કાંગારૂ ટીમ 4 વખત જીતી છે. આ સિવાય ટીમ ઈન્ડિયાએ છેલ્લી બે સિરીઝમાં સતત જીત મેળવી છે.
આ મામલે ઓસ્ટ્રેલિયા કરતા પણ ઘણું આગળ છે ભારત
બોર્ડર ગાવસ્કર ટ્રોફીમાં ટીમ ઈન્ડિયાનો ઓસ્ટ્રેલિયા પર હંમેશા દબદબો રહ્યો છે. એક મામલામાં ટીમ ઈન્ડિયા ઓસ્ટ્રેલિયા કરતા ઘણી આગળ નીકળી ગઈ છે. તમને જણાવી દઈએ કે સૌથી વધુ વિકેટના મામલે સૌથી મોટી જીતની આ વાત છે. વધુ વિકેટની વાત કરીએ તો ભારતીય ટીમે ઓસ્ટ્રેલિયા પર 12 વખત જીત મેળવી છે. જેમાં સૌથી મોટી જીત 8 વિકેટે છે. ટીમ ઈન્ડિયાએ ઓસ્ટ્રેલિયા સામે ત્રણ વખત 8 વિકેટે જીત મેળવી છે. આ સિવાય તે બે વખત 7 વિકેટથી જીત્યું છે.
ઓસ્ટ્રેલિયા 6 વખત વધુ વિકેટથી જીત્યું
જ્યારે ઓસ્ટ્રેલિયાએ ટીમ ઈન્ડિયા પર 6 વખત વધુ વિકેટના આધારે જીત મેળવી છે. જેમાં સૌથી મોટી જીત કાંગારૂ ટીમના નામે 10 વિકેટે નોંધાઈ છે. આ સિવાય તેને બે વખત 9 વિકેટે અને બે વખત 8 વિકેટથી જીત મેળવી છે. તમને જણાવી દઈએ કે, બોર્ડર ગાવસ્કર ટ્રોફી બંને ટીમો વચ્ચે 16 વખત રમાઈ છે. જેમાંથી ટીમ ઈન્ડિયાએ 10 વખત સિરીઝ જીતી છે જ્યારે પાંચ વખત ઓસ્ટ્રેલિયા જીત્યું છે. આ સિવાય એક સિરીઝ ટાઈ થઈ છે.
બોર્ડર ગાવસ્કર ટ્રોફી માટે ટીમ ઈન્ડિયાની જાહેરાત
રોહિત શર્મા (કેપ્ટન), જસપ્રિત બુમરાહ (વાઈસ-કેપ્ટન), યશસ્વી જયસ્વાલ, અભિમન્યુ ઈશ્વરન, શુભમન ગિલ, વિરાટ કોહલી, કેએલ રાહુલ, રિષભ પંત (વિકેટકીપર), સરફરાઝ ખાન, ધ્રુવ જુરેલ (વિકેટકીપર), આર અશ્વિન, રવિન્દ્ર જાડેજા, મોહમ્મદ સિરાજ, આકાશ દીપ, પ્રસિદ્ધ કૃષ્ણા, હર્ષિત રાણા, નીતિશ કુમાર રેડ્ડી, વોશિંગ્ટન સુંદર.
