ભારતીય ટીમના સુપરસ્ટાર ખેલાડી વિરાટ કોહલી અને રોહિત શર્મા T20I અને ટેસ્ટ ફોર્મેટમાંથી સંન્યાસ લઈ ચૂક્યા છે. બંને ખેલાડીઓ માત્ર વનડે ફોર્મેટમાં જ રમતાં જોવા મળશે.
આવામાં ફેન્સને આ બંને ખેલાડીઓ મેદાન પર ક્યારે પરત ફરશે તેની રાહ જોઆ રહ્યા છે. લેટેસ્ટ રિપોર્ટ મુજબ રોહિત-વિરાટના ફેન્સને વધુ રાહ જોવી પડશે. બંને ખેલાડીઓ હવે ઈન્ટરનેશનલ ક્રિકેટમાં પરત ફરશે. આ વચ્ચે બીસીસીઆઈ પણ મુશ્કેલીમાં ફસાઈ ગઈ છે.
રોહિત-વિરાટને રમતા જોવા માટે જોવી પડશે રાહ
ઈંગ્લેન્ડ સામે સિરીઝ બાદ ટીમ ઈન્ડિયા બાંગ્લાદેશ પ્રવાસ પર જવાની હતી. જ્યાં ટીમ ઈન્ડિયાને 3 વનડે અને 3 T20I મેત રમવાની હતી. બીસીસીઆઈ એ બાંગ્લાદેશ પ્રવાસ પર જવા માટે ભારત સરકાર પાસેથી અનુમતિ માગી હતી.
બાંગ્લાદેશ પ્રવાસ પર જવા માટે ભારત સરકાર અત્યારે અનુમતિ આપવામાં વિલંબ કરી રહી છે. જેનું કારણ મીડિયા રિપોર્ટ મુજબ એ છે કે આ સિરીઝ રિશેડ્યુલ કરવામાં આની શકે છે. આવામાં વિરાટ કોહલી અને રોહિત શર્મા હવે 17 ઓગસ્ટે મેદાન પર રમતાં જોવા મળી શકશે નહીં. આ બંને સ્ટાર ખેલાડીને રમતાં જોવા માટે ફેન્સને વધુ રાહ જોવી પડશે.
ઓસ્ટ્રેલિયા પ્રવાસ પર પરત ફરશે વિરાટ-રોહિત
વિરાટ કોહલી અને રોહિત શર્મા હવે 19 ઓક્ટોબરે ઈન્ટરનેશનલ ક્રિકેટમાં વાપસી કરી શકે છે. ભારતીય ટીમ ઓક્ટોબરમાં ઓસ્ટ્રેલિયાના પ્રવાસે જવાની છે. જ્યાં ટીમને 3 વનડે અને 5 T20I મેચ રમવાની છે. સિરીઝની પહેલી મેચ 19 ઓક્ટોબરે પર્થમાં રમાશે. બાંગ્લાદેશ પ્રવાસમાં વિલંબને કારણે, બંને દિગ્ગજો ઓસ્ટ્રેલિયા સામે રમતા જોવા મળી શકે છે.
