પાકિસ્તાની ખેલાડીઓ મેદાન પર સારું પ્રદર્શન કરી રહ્યા નથી. પાકિસ્તાની મીડિયા રિપોર્ટ મુજબ ઘણા ફેમસ ક્રિકેટરો પોન્ઝી સ્કીમનો ભોગ બન્યા છે. મીડિયા રિપોર્ટ મુજબ બાબર આઝમ, મોહમ્મદ રિઝવાન અને ઝડપી બોલર શાહીન આફ્રિદીએ લાખો રૂપિયા ગુમાવ્યા છે.


પાકિસ્તાન ક્રિકેટ બોર્ડને પણ આ મામલો મળ્યો છે, અને તપાસ શરૂ થઈ ગઈ છે. સૂત્રો સૂચવે છે કે ફખર ઝમાન, શાદાબ ખાન અને અન્ય ઘણા ખેલાડીઓએ કથિત રીતે ભૂતપૂર્વ ટેસ્ટ કેપ્ટન સાથે મોટી રકમનું રોકાણ કર્યું હતું જે ત્યારથી દેશ છોડીને ચાલી ગયો છે.

બાબર-રિઝવાનના ફસાઈ ગયા પૈસા

પાકિસ્તાની મીડિયા રિપોર્ટ મુજબ બાબર આઝમ અને મોહમ્મદ રિઝવાનને શરૂઆતમાં આ યોજનાથી ઘણો ફાયદો થયો હતો. પરંતુ તેમને અચાનક પૈસા મળતાં બંધ થઈ ગયા. સૂત્રોના જણાવ્યા મુજબ જ્યારે અસરગ્રસ્ત ખેલાડીઓએ તેમનો સંપર્ક કર્યો, ત્યારે તેમને કહેવામાં આવ્યું કે તેમને તેમના પૈસા પાછા નહીં મળે. આ પછી તેમને કોલ અને સંદેશાઓનો જવાબ આપવાનું બંધ કરી દીધું અને દેશ છોડી દીધો. એવું કહેવાય છે કે આ ખેલાડીઓએ ફક્ત પોતાના જ નહીં પરંતુ તેમના સંબંધીઓ અને નજીકના સહયોગીઓના પૈસા પણ રોકાણ કર્યા હતા. આ રકમ PKR 100 કરોડ જેટલી હોવાનું કહેવાય છે.

Also Read

બિગ બેશ છોડીને પાછો ફર્યો બાબર આઝમ

પાકિસ્તાનના ભૂતપૂર્વ કેપ્ટન બાબર આઝમને નાણાકીય ઝટકો લાગ્યો છે, સાથે જ તેની ઈમેજને પણ મોટો ફટકો પડ્યો છે. બાબર બિગ બેશ લીગમાંથી બહાર થઈ ગયો છે, એલિમિનેટર પહેલા ઘરે પરત ફર્યો છે. સિડની સિક્સર્સે જાહેરાત કરી હતી કે બાબર પાકિસ્તાની ટીમમાં જોડાવા માટે પાકિસ્તાન પરત ફર્યો છે. બિગ બેશ લીગમાં આ સિઝનમાં બાબરને ઘણી મુશ્કેલીઓનો સામનો કરવો પડ્યો હતો, તેને 11 મેચમાં ફક્ત 202 રન બનાવ્યા હતા, જેમાં 2 અડધી સદીનો સમાવેશ થાય છે. તેનો સ્ટ્રાઈક રેટ ફક્ત 103 હતો.

બાબર જ નહીં મોહમ્મદ રિઝવાનની બિગ બેશ સીઝન પણ નિરાશાજનક રહી, તેને 10 ઈનિંગમાં 102 ના સ્ટ્રાઈક રેટ સાથે માત્ર 188 રન બનાવ્યા. એક મેચમાં ધીમી બેટિંગને કારણે મેલબોર્ન રેનેગેડ્સ દ્વારા તેને બેટિંગ લાઈનઅપમાંથી પાછો બોલાવવામાં આવ્યો. ઈજાને કારણે અધવચ્ચે ઘરે પરત ફરેલા ફાસ્ટ બોલર શાહીન શાહ આફ્રિદીની બીબીએલ સીઝન પણ સામાન્ય રહી. ત્રણેય પાકિસ્તાની ક્રિકેટરો પહેલીવાર બિગ બેશમાં રમી રહ્યા હતા.

આ પણ વાંચો: Team Indiaની હાર માટે કોણ જવાબદાર? કેપ્ટન શુભમન ગિલે કર્યો મોટો ખુલાસો

  • Follow us on: