34 વર્ષના ઓલરાઉન્ડ ખેલાડીને મળી NOC, આ ટીમમાં રમતો મળશે જોવા!

મધ્યપ્રદેશના ડાબોડી સ્પિનર ​​અંકિત શર્માને ક્રિકેટ એસોસિએશન ઓફ પુડુચેરી તરફથી નો ઓબ્જેક્શન સર્ટિફિકેટ મળ્યું છે. તે છેલ્લા કેટલાક વર્ષોથી પુડુચેરી ટીમનો ભાગ હતો અને ઘરેલુ ક્રિકેટમાં ટીમનું પ્રતિનિધિત્વ કરી રહ્યો હતો.

34 વર્ષનો ઓલરાઉન્ડર અંકિત શર્માને 68 ફર્સ્ટ ક્લાસ મેચનો અનુભવ છે. તે પુડુચેરી ટીમ તેમજ સીકેમ ટેક્નોલોજીસ સાથે કામ કરી રહ્યો હતો. પરંતુ CAP સૂત્રોએ જણાવ્યું હતું કે તેને પોતાની નોકરીમાંથી રાજીનામું આપી દીધું છે અને એવી શક્યતા છે કે તે આગામી સ્થાનિક સિઝનમાં કેરળનું પ્રતિનિધિત્વ કરશે.

કેરળ ક્રિકેટ એસોસિએશને નથી લીધો અંતિમ નિર્ણય

કેરળ ક્રિકેટ એસોસિએશને હજુ સુધી આને લઈને અંતિમ નિર્ણય લીધો નથી. KCA ના એક અધિકારીએ જણાવ્યું હતું કે તેમને અંકિતનો ઈન્ટરવ્યુ લીધો છે. તે કેરળ આવ્યો હતો, પરંતુ તેના સિલેક્શન અંગે હજુ સુધી કોઈ અંતિમ નિર્ણય લેવામાં આવ્યો નથી.

છેલ્લા કેટલાક સીઝનમાં અંકિતે પુડુચેરી માટે 17 ફર્સ્ટ ક્લાસ મેચ રમી છે અને તેને લેફ્ટ હેન્ડ સ્પિનથી 49 વિકેટ લીધી છે. તેને 13 લિસ્ટ-A મેચોમાં 12 વિકેટ અને 13 T20 મેચોમાં 11 વિકેટ લીધી છે.

અંકિતની જગ્યાએ સિદક સિંહને મળી તક

CAP અધિકારીઓએ માહિતી આપી હતી કે અંકિત શર્માના સ્થાને સિદક સિંહને ટીમમાં સામેલ કરવામાં આવશે. સિદક લેફ્ટ હેન્ડ ઓલરાઉન્ડર પણ છે અને સ્થાનિક સ્તરે સતત સારું પ્રદર્શન કરી રહ્યો છે. આ સિવાય આ સિઝન માટે પુડુચેરી ટીમમાં વિદ્ધાંત અધાત્રવ, પુનીત દાતે અને જયંત યાદવને પ્રોફેશનલ ખેલાડીઓ તરીકે પસંદ કરવામાં આવ્યા છે.

અંકિત શર્માએ લાંબા સમયથી ઘરેલુ ક્રિકેટમાં શાનદાર કરિયર બનાવ્યું છે. ડેબ્યૂ પછી તેને મધ્યપ્રદેશ અને પછી પુડુચેરીનું પ્રતિનિધિત્વ કરતી વખતે પોતાને એક વિશ્વસનીય ઓલરાઉન્ડર તરીકે સાબિત કર્યો. KCA તેને ટીમમાં સ્થાન આપે છે કે નહીં, કારણ કે આ સિઝનમાં કેરળની ટીમ પણ તેની બેન્ચ સ્ટ્રેન્થને મજબૂત બનાવવામાં વ્યસ્ત છે.