ભારતના સર્વશ્રેષ્ઠ બેટ્સમેન શ્રેયસ ઐયરને એશિયા કપ 2025 ટીમમાં સ્થાન મળ્યું નથી. આ સમાચાર સામે આવ્યા બાદ ફેન્સની સાથે બોલીવુડ પણ ચોંકી ગયું છે. હવે આ લિસ્ટમાં એક મોટું નામ સામેલ થયું છે.
બોલીવુડ એક્ટર વરુણ ધવને ઈન્સ્ટાગ્રામ પર એક ઈમોશનલ સ્ટોરી શેર કરીને શ્રેયસ ઐયરને સપોર્ટ કર્યો છે. વરુણ ધવનની આ પોસ્ટ સોશિયલ મીડિયા પર વાયરલ થઈ રહી છે.
શાનદાર પ્રદર્શન છતાં શ્રેયસ ઐયર બહાર
એશિયા કપ 2025 માટે ટીમ ઈન્ડિયાની જાહેરાત થઈ ગઈ છે, પરંતુ શ્રેયસ ઐયરનું નામ આ ટીમમાં નથી. આ નિર્ણય દરેક માટે આશ્ચર્યજનક છે, કારણ કે ઐયરે તાજેતરમાં શાનદાર પ્રદર્શન કર્યું હતું. શ્રેયસ ઐયર ચેમ્પિયન્સ ટ્રોફીમાં ભારતનો સૌથી વધુ રન બનાવનાર ખેલાડી હતો. તેને પાંચ ઈનિંગમાં 243 રન બનાવ્યા અને ટીમને ટાઈટલ જીતવામાં મહત્વપૂર્ણ ભૂમિકા ભજવી.
IPL 2025માં પણ શ્રેયસ ઐયરે મચાવી ધૂમ
IPL 2025માં તેના બેટે પણ સારું પ્રદર્શન કર્યું. પંજાબ કિંગ્સ માટે રમતા શ્રેયસ ઐયરે 17 મેચમાં 604 રન બનાવ્યા અને ટીમને ફાઈનલમાં પહોંચાડી. આટલા શાનદાર પ્રદર્શન છતાં શ્રેયસ ઐયરને ટીમમાંથી બહાર રાખવો એ ફેન્સની સમજની બહાર છે. ઘણા ક્રિકેટ દિગ્ગજો શ્રેયસ ઐયરની ટીમમાંથી ગેરહાજરી પર સવાલો ઉઠાવી રહ્યા છે.
વરુણ ધવને શેર કરી સ્ટોરી
વરુણ ધવને પોતાની ઈન્સ્ટાગ્રામ સ્ટોરીમાં શ્રેયસનો જૂના વીડિયો શેર કર્યો છે, જેમાં ઐયર ટીમમાં પસંદગી ન થવાના પોતાના અનુભવ વિશે વાત કરી રહ્યા છે. વરુણની આ પોસ્ટ સોશિયલ મીડિયા પર વધુને વધુ વાયરલ થઈ રહી છે અને ફેન્સ તેના પર પોતાની પ્રતિક્રિયાઓ આપી રહ્યા છે. આ વીડિયોમાં શ્રેયસના અલગ-અલગ પ્રસંગોના વીડિયો છે, જ્યાં શ્રેયસ પોતાના વિશે વાત કરી રહ્યો છે. આમાં શ્રેયસ ઐયર કહે છે કે કોઈ તમને મદદ કરશે નહીં, જ્યાં મેં વિચાર્યું હતું કે મને ટીમમાં પસંદગી કરવામાં આવશે, મને પસંદગી ન મળી.
સિલેક્ટ ન થવાનું આપવામાં આવ્યું હતું આ કારણ
બીસીસીઆઈ દ્વારા જાહેર કરાયેલી 15 સભ્યોની ટીમમાં સૂર્યકુમાર યાદવને કેપ્ટન અને શુભમન ગિલને વાઈસ કેપ્ટન બનાવવામાં આવ્યા છે. સંજુ સેમસન, હાર્દિક પંડ્યા અને જસપ્રીત બુમરાહ જેવા ખેલાડીઓનો પણ ટીમમાં સમાવેશ કરવામાં આવ્યો છે. શ્રેયસ ઐયરને ટીમમાંથી બહાર રાખવા અંગે મુખ્ય સિલેક્ટર અજિત અગરકરે પ્રેસ કોન્ફરન્સમાં કહ્યું કે આ કોઈની ભૂલ નથી, ન તો તેની કે ન તો અમારી. હાલમાં અમારી પાસે જે વિકલ્પો છે તેમાંથી 15 ખેલાડીઓ પસંદ કરવાના હતા. શ્રેયસ ઐયરને થોડી રાહ જોવી પડશે.
