Harmanpreet Kaur વર્લ્ડકપ 2025 પછી લેશે સંન્યાસ? તેના નિવેદનથી મળી હિન્ટ?

હરમનપ્રીત કૌરની કેપ્ટનશીપ હેઠળ ટીમ ઈન્ડિયાએ શાનદાર પ્રદર્શન કર્યું. ભારતે વર્લ્ડકપના 52 વર્ષના ઈતિહાસમાં પહેલી ટ્રોફી જીતી. આ પહેલા ભારતીય ટીમ ક્યારેય વર્લ્ડ ચેમ્પિયન ન હતી. પરંતુ ફાઈનલ પછી હરમનપ્રીત નિવૃત્તિની જાહેરાત કરશે કે કેમ તે હવે પ્રશ્નાર્થ બની ગયો છે. તેણે આ સવાલનો જવાબ તેના નિવેદનથી આપ્યો છે.

ICC Womens World Cup 2025 India Vs South Africa Womens Final is Harmanpreet Kaur retire after world cup 2025

ભારતીય ટીમે 2025 મહિલા વર્લ્ડકપમાં શાનદાર પ્રદર્શન કર્યું અને ટાઈટલ પર કબજો કર્યો. ભારતીય ટીમને લીગ સ્ટેજમાં સતત 3 હારનો સામનો કરવો પડ્યો હોવા છતાં તેણે જોરદાર વાપસી કરી અને ફાઈનલ સુધી શાનદાર રમી. પરંતુ શું હરમનપ્રીત કૌર વર્લ્ડકપ પછી નિવૃત્તિ લેશે? આ સવાલનો જવાબ તેણે પોતાના નિવેદનમાં આપ્યો છે.

હરમનપ્રીત કૌરે શું કહ્યું?

મેચ પછી હરમનપ્રીત કૌરે નિવૃત્તિ અંગે એક મોટી હિન્ટ આપી. તેણે કહ્યું કે "અમે આ વર્લ્ડકપ જીતવાની અવરોધ તોડવા માગતા હતા. અમે આ ક્ષણની રાહ જોઈ રહ્યા હતા. હવે જ્યારે તે આવી ગઈ છે, તો તેને આદત બનાવો. આ અંત નથી, ફક્ત શરૂઆત છે. આવતા વર્ષે વર્લ્ડકપ અને પછી ચેમ્પિયન્સ ટ્રોફી છે. આગળ ઘણી મોટી તકો છે. અમે ફક્ત સુધારો કરતા રહેવા અને અમારું બેસ્ટ આપવા માગીએ છીએ."

હરમનપ્રીત કૌરના નિવેદનથી સ્પષ્ટ થઈ ગયું કે તે ટૂંક સમયમાં નિવૃત્તિ લેવાનું વિચારી રહી નથી. તે આગામી T20 વર્લ્ડકપ અને ચેમ્પિયન્સ ટ્રોફી પર ધ્યાન કેન્દ્રિત કરી રહી છે. પરંતુ વર્લ્ડકપ દરમિયાન એવી ચર્ચાઓ થતી હતી કે હરમનપ્રીત કૌર આ ટુર્નામેન્ટ પછી નિવૃત્તિની જાહેરાત કરી શકે છે. ભારતે શાનદાર પ્રદર્શન કર્યું અને ફાઈનલમાં સાઉથ આફ્રિકાને 52 રનથી હરાવ્યું. દીપ્તિ શર્મા મેચની હીરો રહી, તેણે 58 બોલમાં 58 રન બનાવ્યા અને પોતાની બોલિંગથી 5 વિકેટ પણ લીધી.

વર્લ્ડકપમાં હરમનપ્રીત કૌરની સફર કેવી રહી?

હરમનપ્રીત કૌર 2025ના વર્લ્ડકપમાં 9 મેચની 8 ઈનિંગમાં 32.50ની એવરેજ સાથે 260 રન બનાવ્યા હતા. તેણે 2 અડધી સદી પણ ફટકારી હતી. પરંતુ તેણે ફાઈનલમાં બેટથી ખાસ સારું પ્રદર્શન કર્યું ન હતું, ફક્ત 20 રન બનાવ્યા હતા. પરંતુ સેમીફાઈનલમાં તેણે ઘણાં રન બનાવ્યા હતા. તેણે શાનદાર 89 રન સાથે ટીમ ઈન્ડિયાની જીતમાં મહત્વપૂર્ણ ભૂમિકા ભજવી હતી.