Virat kohliને લઈને ફેન્સ ક્રેઝી, 4 મહિના પહેલા મેચની ટિકિટ SOLD OUT

ભારત અને ઓસ્ટ્રેલિયા વચ્ચે રમાનારી T20 અને ODI સિરીઝ માટે ક્રિકેટ ઓસ્ટ્રેલિયાએ સિડની અને કેનબેરાની બધી ટિકિટો વેચી દીધી છે. સિરીઝ શરૂ થાય તે પહેલાં જ ટિકિટો વેચાઈ ગઈ છે.

આ સિરીઝ માટે હજુ લગભગ ચાર મહિના બાકી છે. પરંતુ ઓસ્ટ્રેલિયાએ સિડનીમાં રમાનારી ત્રીજી વનડે અને કેનબેરામાં રમાનારી પહેલી T20 માટેની બધી ટિકિટો પહેલાથી જ વેચાઈ ગઈ છે. આ સિરીઝમાં ત્રણ વનડે અને પાંચ T20 મેચ રમાશે.

ક્રિકેટ ઓસ્ટ્રેલિયાએ 8 મેચ માટે 90,000 ટિકિટ વેચી દીધી છે. ભારતીય ટીમ 19 ઓક્ટોબરથી ઓસ્ટ્રેલિયા પ્રવાસ શરૂ કરશે. આ પ્રવાસ 8 નવેમ્બરના રોજ સમાપ્ત થશે. આ મેચ બ્રિસ્બેનમાં રમાશે. આ સિરીઝમાં ભારતના સ્ટાર ખેલાડીઓ વિરાટ કોહલી અને રોહિત શર્મા પણ રમતા જોવા મળશે.

90 હજાર ટિકિટ વેચાઈ ગઈ

ક્રિકેટ ઓસ્ટ્રેલિયાએ એક નિવેદનમાં જણાવ્યું હતું કે ઓસ્ટ્રેલિયા અને ભારત વચ્ચે વ્હાઈટ બોલની સિરીઝ ઓક્ટોબર-નવેમ્બરમાં રમાશે. અહીંના ક્રિકેટ પ્રેમીઓમાં, ખાસ કરીને ભારતીય મૂળના લોકોમાં ઘણો ક્રેઝ છે. તેમાં કહેવામાં આવ્યું છે કે SCG ODI અને મનુકા ઓવલ (કેનબેરા) T20 ની ટિકિટો ચાર મહિના પહેલા જ વેચાઈ ગઈ હતી. MCG T20 અને ગાબ્બા T20 મેચોની ટિકિટોની પણ ઘણી માગ છે.

ક્રિકેટ ઓસ્ટ્રેલિયાએ જણાવ્યું હતું કે એશિઝ ટિકિટોના રેકોર્ડ વેચાણ પછી મર્યાદિત ઓવરની મેચોની ટિકિટોની પણ ભારે માગ છે. અત્યાર સુધીમાં 8 મેચની 90,000 ટિકિટ વેચાઈ ગઈ છે. સીએના મતે અત્યાર સુધીમાં વેચાયેલી 16 ટકાથી વધુ ટિકિટો ભારતીય ફેન ક્લબ દ્વારા ખરીદવામાં આવી છે.

આ લોકોએ ખરીદી સૌથી વધુ ટિકિટ

તેમાં કહેવામાં આવ્યું છે કે ભારત આર્મી સૌથી એક્ટિવ ફેન ક્લબમાંની એક છે જેણે 2400 ટિકિટ ખરીદી છે. ફેન્સ ઈન્ડિયાએ પણ 1400 થી વધુ ટિકિટ ખરીદી છે. બ્રિસ્બેનમાં સ્થાયી થયેલા અગ્રવાલ સમુદાય, બ્રિસી બાનિયાસના અમિત ગોયલે ગાબા મેચ માટે 880 ટિકિટ ખરીદી છે. ગોલ્ડ કોસ્ટના ભારતીય સમુદાયે 500 ટિકિટ ખરીદી છે અને મેલબોર્નના પક્કા સ્થાનિકે 500 ટિકિટ ખરીદી છે.

ODI સિરીઝનું શેડ્યુલ

પહેલી વનડે - 19 ઓક્ટોબર- પર્થ સ્ટેડિયમ - પર્થ

બીજી વનડે- 23 ઓક્ટોબર - એડિલેડ ઓવલ- એડિલેડ

ત્રીજી વનડે - 25 ઓક્ટોબર- સિડની ક્રિકેટ ગ્રાઉન્ડ -સિડની

T20 સિરીઝનું શેડ્યુલ

પહેલી T20- 29 ઓક્ટોબર- મનુકા ઓવલ - કેનબેરા

બીજી T20 - 31 ઓક્ટોબર - મેલબોર્ન ક્રિકેટ ગ્રાઉન્ડ - મેલબોર્ન

ત્રીજી T20 - 2 નવેમ્બર - બેલેરીવ ઓવલ - હોબાર્ટ

ચોથી T20 - 6 નવેમ્બર - ગોલ્ડ કોસ્ટ સ્ટેડિયમ - ગોલ્ડ કોસ્ટ

પાંચમી T20 -8 નવેમ્બર - ગાબા - બ્રિસ્બેન