Shubman Gillએ પોતાની પહેલી ODI સિરીઝ હાર્યા બાદ કાઢ્યું આ બહાનું, રોહિત શર્મા વિશે કહી આ વાત

શુભમન ગિલનું કેપ્ટન તરીકેનો વનડે ડેબ્યૂ સારું રહ્યું નથી. ટીમ ઈન્ડિયા ઓસ્ટ્રેલિયા સામેની વનડે સિરીઝની પહેલી 2 મેચ હારી ગઈ હતી, અને તેની સાથે જ સિરીઝ પણ હારી થઈ ગઈ છે.

ત્રીજી અને અંતિમ મેચ બાકી હોવાથી શુભમન ગિલ અને ટીમ ઈન્ડિયા તેમાં શું કરશે તે જોવાનું બાકી છે. આ દરમિયાન સિરીઝ હાર્યા બાદ કેપ્ટન શુભમન ગિલે અનેક બહાના બનાવ્યા. તેને રોહિત શર્માની વાપસી અંગેના સવાલોના જવાબ પણ આપ્યા.

ટીમ ઈન્ડિયા બીજી વનડેમાં 2 વિકેટથી હારી ગઈ

ટીમ ઈન્ડિયા ભારત વિ ઓસ્ટ્રેલિયા સિરીઝની બીજી મેચ 2 વિકેટથી હારી ગઈ. રોહિત શર્મા, શ્રેયસ ઐયર અને અક્ષર પટેલે ચોક્કસપણે ભારત માટે કેટલાક રન બનાવ્યા, પરંતુ તે ઓસ્ટ્રેલિયાને હરાવવા માટે પૂરતા ન હતા. ભારતીય ટીમ પહેલી મેચ 8 વિકેટથી હારી ગઈ. સતત 2 હાર બાદ ટી ઈન્ડિયા સિરીઝ હવે હારી ગઈ છે.

આ દરમિયાન જ્યારે મેચ પછી કેપ્ટન શુભમન ગિલનો ઈન્ટરવ્યુ લેવામાં આવ્યો, ત્યારે તેને કહ્યું કે "અમારી પાસે બોર્ડ પર ઘણા ઓછા રન હતા." તેને વધુમાં કહ્યું કે "જ્યારે તમે આટલા ઊંચા સ્કોરનો બચાવ કરો છો અને તકો ગુમાવો છો ત્યારે તે સરળ નથી." શુભમન ગિલ ભારતીય ટીમના ફિલ્ડિંગ કરતી વખતે કેચ છોડવાનો ઉલ્લેખ કરી રહ્યા હતા. આ ફક્ત એક બહાનું ગણી શકાય. શુભમન ગિલે તેના વિશે શું કરવું તે નક્કી કરવું પડશે.

ટોસ હારવાને લઈને કેપ્ટન ગિલે શું કહ્યું?

શુભમન ગિલ સતત બીજી વખત ટોસ હારી ગયો છે. તેને પાછલી મેચમાં ટોસ ગુમાવ્યો હતો અને આ વખતે પણ હારી ગયો છે. બંને મેચમાં ભારતે પહેલા બેટિંગ કરવી પડી હતી. આ વિશે પૂછવામાં આવતા કેપ્ટન ગિલે કહ્યું કે વરસાદને કારણે પહેલી મેચમાં ટોસ મહત્વપૂર્ણ હતો, પરંતુ આ મેચમાં એવું ન હતું. બંને ટીમોને સંપૂર્ણ 50 ઓવર રમવાની તક મળી તે ચોક્કસપણે સારી વાત છે. તેને કહ્યું કે શરૂઆતના તબક્કામાં બોલરો માટે વિકેટ ચોક્કસપણે મદદરૂપ હતી, પરંતુ 15-20 ઓવર પછી વિકેટ સેટ થઈ ગઈ.

રોહિત શર્માના કર્યા ખૂબ વખાણ

જ્યારે તેને રોહિત શર્મા વિશે પૂછવામાં આવ્યું ત્યારે શુભમન ગિલે કહ્યું કે આટલી લાંબી ગેરહાજરી પછી મેદાનમાં પાછા ફરવું સરળ નથી. શુભમન ગિલે સ્વીકાર્યું કે રોહિતને શરૂઆતમાં કેટલાક પડકારોનો સામનો કરવો પડ્યો હતો, પરંતુ તે રોહિતની બેટિંગની રીતથી પ્રભાવિત થયો હતો. શુભમન ગિલે કહ્યું કે તેમને લાગે છે કે રોહિત બીજી મોટી ઈનિંગ ગુમાવી ચૂક્યો છે.