ભારત અને ઈંગ્લેન્ડ વચ્ચે 5 મેચની ટેસ્ટ સિરીઝમાં ટીમ ઈન્ડિયાના યુવા કેપ્ટન શુભમન ગિલની અગ્નિપરીક્ષા પણ શરૂ થશે. 20 જૂનથી લીડ્સના મેદાન પર આ સિરીઝ શરૂ થશે. ઈંગ્લેન્ડમાં સ્વિંગ થતો બોલ બેસ્ટ બેટ્સમેનોના કરિયરનો અંત લાવવા માટે જાણીતા છે.


ટીમ ઈન્ડિયાના બેટ્સમેનોને પણ મુશ્કેલ પડકારનો સામનો કરવો પડશે. આવામાં લીડ્સમાં થનારી મેચની પિચ હવે કેવી રહેશે? તમને જણાવી દઈએ કે તેને જોઈને કયા સંકેતો મળી રહ્યા છે.

પહેલી મેચનો પિચ રિપોર્ટ આવ્યો સામે

Also Read

મીડિયા રિપોર્ટ મુજબ પહેલી ટેસ્ટ મેચની પિચ જાહેર કરવામાં આવી છે. પિચ સંપૂર્ણપણે લીલીછમ જોવા મળી રહી છે. એવું લાગે છે કે આ મેચના શરૂઆતના દિવસોમાં બોલરોનું વર્ચસ્વ રહેશે. બેટ્સમેનોએ આ પિચ પર રન બનાવવા માટે સખત મહેનત કરવી પડશે. જે પણ ટીમ ટોસ જીતે છે તે પહેલા બોલિંગ કરવાનો નિર્ણય લઈ શકે છે જેથી પિચ પર હાજર ભેજનો ફાયદો મેળવી શકાય.


તાપમાન પર નિર્ભર રહેશે પિચનો મૂડ

ઈંગ્લેન્ડમાં પિચનો મૂડ હવામાન પર ઘણી હદ સુધી આધાર રાખે છે. મીડિયા રિપોર્ટ મુજબ તાપમાન 30 ડિગ્રીથી ઉપર જશે. આવામાં બેટ્સમેન માટે રન બનાવવાનું સરળ બનશે. શરૂઆતના દિવસોમાં, પિચ બોલરોની તરફેણમાં રહેશે, જ્યારે રમત આગળ વધશે તેમ, બેટ્સમેનને ફાયદો થશે.


કેવો હશે ટીમ ઈન્ડિયાનો બેટિંગ ક્રમ?

આ પ્રવાસમાં ટીમ ઈન્ડિયા માટે યશસ્વી જયસ્વાલ અને કેએલ રાહુલ ઓપનિંગ કરતા જોઈ શકાય છે. ત્રીજા નંબરે સાઈ સુદર્શન ટીમ ઈન્ડિયા માટે ડેબ્યૂ કરી શકે છે. આ પછી રિષભ પંત, કરુણ નાયર અને શાર્દુલ ઠાકુર મિડલ ઓર્ડરમાં ટીમની તાકાત વધારતા જોવા મળશે.

ટીમ ઈન્ડિયાની સંપૂર્ણ ટીમ

શુભમન ગિલ (કેપ્ટન), રિષભ પંત (વિકેટકીપર અને વાઈસ-કેપ્ટન), યશસ્વી જયસ્વાલ, કેએલ રાહુલ, સાઈ સુદર્શન, અભિમન્યુ ઈશ્વરન, કરુણ નાયર, નીતિશકુમાર રેડ્ડી, રવીન્દ્ર જાડેજા, ધ્રુવ જુરેલ, વોશિંગ્ટન સુંદર, શાર્દુલ ઠાકુર, જસપ્રીત બુમરાહ, મોહમ્મદ સિરાજ, પ્રસિદ્ધ કૃષ્ણા, આકાશ દીપ, અર્શદીપ સિંહ, કુલદીપ યાદવ અને હર્ષિત રાણા.

  • Follow us on: