Shubman Gillને હેરી બ્રુકે મેચ ડ્રો કરવા માટે કરી રિકવેસ્ટ, ઈંગ્લેન્ડના ખેલાડીને હારનો ડર! જુઓ VIDEO

એજબેસ્ટન ખાતે રમાઈ રહેલી ભારત અને ઈંગ્લેન્ડ વચ્ચેની બીજી ટેસ્ટ મેચના ચોથા દિવસે એક ફની મોમેન્ટ જોવા મળી, જ્યારે ભારતીય બેટ્સમેન શુભમન ગિલ અને ઈંગ્લેન્ડના હેરી બ્રુક વચ્ચે સ્ટમ્પ માઈક પર મસ્તી રેકોર્ડ થઈ.

આ વાતચીત મેદાન પર હાજર ખેલાડીઓ અને ફેન્સ માટે એન્ટરટેઈનર તો હતી જ, પરંતુ ક્રિકેટ ફેન્સમાં સોશિયલ મીડિયા પર પણ ચર્ચાનો વિષય બની હતી. ટીમ ઈન્ડિયા આ મેચમાં મજબૂત સ્થિતિમાં છે, જેના કારણે આ વીડિયોમાં ક્યાંક હેરી બ્રુક નારાજ જોવા મળી રહ્યો છે.

હેરી બ્રુકે ગિલને ડ્રો માટે કરી રિકવેસ્ટ

ચોથા દિવસની રમતના બીજા સેશન દરમિયાન જ્યારે શુભમન ગિલ ભારતની બીજી ઈનિંગમાં બેટિંગ કરી રહ્યો હતો, ત્યારે ભારતે 450 રનની મોટી લીડ મેળવી લીધી હતી. જેના કારણે હેરી બ્રુક ખૂબ જ નિરાશ જોવા મળ્યો હતો. તે શુભમન ગિલને ઈનિંગ ડિક્લેર કરવાનું કહેતો પણ સાંભળવામાં આવ્યો. હેરી બ્રુકે મજાકમાં ગિલને કહ્યું કે 'લીડ 450 રન સુધી પહોંચી ગઈ છે, હવે ઈનિંગ ડિક્લેર કરો. શુભમન, કાલે અડધાથી વધુ દિવસ વરસાદ પડશે.' જેના જવાબમાં ગિલે કહ્યું કે 'આ આપણું દુર્ભાગ્ય છે.' ત્યારબાદ હેરી બ્રુકે કહ્યું કે 'ડ્રો માટે તૈયાર રહો.'

આ વાતચીત સ્ટમ્પ માઈકમાં કેદ થઈ ગઈ અને થોડી જ વારમાં આ ક્લિપ સોશિયલ મીડિયા પર ખૂબ વાયરલ થઈ ગઈ. તમને જણાવી દઈએ કે ટીમ ઈન્ડિયાએ આ મેચમાં શાનદાર બેટિંગ કરી છે. ભારતીય ટીમે પહેલી ઈનિંગમાં 151 ઓવર સુધી બેટિંગ કરી હતી. બીજી ઈનિંગમાં પણ તેને 75 થી વધુ ઓવર રમી હતી. જેના કારણે ઈંગ્લેન્ડના બધા ખેલાડીઓ મેદાન પર ખૂબ થાકેલા જોવા મળ્યા હતા અને તેમના ચહેરા પર નિરાશા સ્પષ્ટ જોવા મળતી હતી.

રમતના છેલ્લા દિવસે વરસાદની આગાહી

હવામાન વિભાગે 6 જુલાઈએ બર્મિંગહામમાં ભારે વરસાદની આગાહી કરી છે, જે પાંચમા દિવસના અડધાથી વધુ રમતને અસર કરી શકે છે. જો વરસાદ રમતમાં ખલેલ પહોંચાડે છે, તો આ ટેસ્ટ ડ્રો તરફ આગળ વધી શકે છે, જેમ કે બ્રુકે મજાક કરી હતી. પરંતુ જો આખો દિવસ રમાય છે, તો ભારત આ મેચ જીતી શકે છે.