Team Indiaએ બનાવ્યો શરમજનક રેકોર્ડ, ટેસ્ટ ક્રિકેટના ઈતિહાસમાં પહેલી વાર આવું બન્યું

'ટીમ ઈન્ડિયાએ માન્ચેસ્ટર ટેસ્ટ ડ્રો કરી, પરંતુ ટીમના નામે એક શરમજનક રેકોર્ડ નોંધાયો છે. ટેસ્ટ ક્રિકેટના ઈતિહાસમાં જે પહેલાં ક્યારેય બન્યું ન હતું તે અત્યારે શુભમન ગિલની કેપ્ટનશીપમાં બન્યું છે.

ટીમ ઈન્ડિયા માટે માન્ચેસ્ટરમાં જીત મેળવવી મુશ્કેલ કાર્ય સાબિત થઈ રહ્યું છે. હવે જોવાનું એ રહે છે કે આ ટ્રેન્ડ કેટલો સમય ચાલુ રહે છે અને માનચેસ્ટરમાં જીત માટે ટીમ ઈન્ડિયાએ કેટલો સમય રાહ જોવી પડશે.

માન્ચેસ્ટરમાં 10 ટેસ્ટ રમવા છતાં કોઈ જીત નહીં

ઈંગ્લેન્ડનું માન્ચેસ્ટર એક એવું મેદાન છે જ્યાં ભારતીય ટીમે અત્યાર સુધી એક પણ ટેસ્ટ મેચ જીતી શકી નથી. ટીમ ઈન્ડિયાએ અહીં 1936માં પહેલી ટેસ્ટ મેચ રમી હતી. ત્યારથી અત્યાર સુધી અહીં 10 ટેસ્ટ રમાઈ છે. ટીમ ઈન્ડિયા આમાંથી 4 મેચ હારી છે, જ્યારે 6 મેચ ડ્રો થઈ છે. પરંતુ એક પણ વાર જીત મેળવી નથી. ભારતીય ટેસ્ટ ક્રિકેટના ઈતિહાસમાં ક્યારેય એવું બન્યું નથી કે ટીમ ઈન્ડિયાએ એક જ સ્ટેડિયમમાં 10 મેચ રમી હોય, પરંતુ તેમાંથી 1 પણ જીત ન મેળવી હોય.

ટીમ ઈન્ડિયાને બાર્બાડોસમાં પણ 9 મેચમાંથી એક પણ જીત મળી નથી

ટીમ ઈન્ડિયા માટે કેટલાક અન્ય મેદાનો પણ છે જ્યાં ખેલાડીઓએ એક જ સ્ટેડિયમમાં 9 મેચ રમી છે પરંતુ એક પણ મેચ જીતી નથી. ટીમ ઈન્ડિયાએ બાર્બાડોસમાં 9 ટેસ્ટ રમી છે, જેમાંથી ટીમને 7 હારનો સામનો કરવો પડ્યો છે અને 2 મેચ ડ્રો રહી છે. હવે એ જોવું રસપ્રદ રહેશે કે ટીમ ઈન્ડિયા પહેલા માન્ચેસ્ટરમાં જીતે છે કે બાર્બાડોસમાં જીત મેળવે છે. પરંતુ આ માટે આપણે લાંબો સમય રાહ જોવી પડશે.

ભારત પાસે સિરીઝ બરાબર કરવાની તક

જો આપણે હાલમાં સિરીઝની વાત કરીએ તો ચોથી મેચ ડ્રો થઈ ગઈ છે, તેથી હવે ટીમ ઈન્ડિયા પાસે સિરીઝ બરાબર કરવાની તક રહેશે. અત્યાર સુધી ઈંગ્લેન્ડ 2 મેચ જીતી ચૂક્યું છે, જ્યારે ટીમ ઈન્ડિયા 1 મેચ જીતી છે. હવે જો ભારતીય ટીમ 31 જુલાઈથી રમાનારી છેલ્લી અને પાંચમી મેચ જીતી જાય છે, તો સિરીઝ ડ્રોમાં સમાપ્ત થશે. પરંતુ જો ઈંગ્લેન્ડ મેચ જીતે છે અથવા મેચ ડ્રો થાય છે, તો ઈંગ્લેન્ડ આ સિરીઝ જીતી જશે.