Karun Nair 3 ઈનિંગમાં રહ્યો ફેલ, તોડ્યો શુભમન ગિલ અને ગૌતમ ગંભીરનો વિશ્વાસ

ઈંગ્લેન્ડ પ્રવાસ માટે જ્યારે ટીમ ઈન્ડિયાની જાહેરાત કરવામાં આવી ત્યારે બધા કરુણ નાયરને ટીમમાં જોઈને ખુશ થયા હતા. કરુણ નાયર 7 વર્ષ પછી ટેસ્ટ ટીમમાં પાછો ફર્યો. ડોમેસ્ટિક ક્રિકેટમાં સારું પ્રદર્શન કરનારા નાયરે ઈંગ્લેન્ડ લાયન્સ સામે બેવડી સદી ફટકારીને બધાને મોટી આશાઓ આપી હતી.

અત્યાર સુધી નાયરને ઈંગ્લેન્ડ સામેની સિરીઝમાં 3 તકો મળી છે, પરંતુ તે તેનો ફાયદો ઉઠાવવામાં નિષ્ફળ રહ્યો છે. આવામાં કરુણ નાયર પર પણ એક મોટો સવાલ ઉઠાવવામાં આવી રહ્યો છે.

કરુણ નાયર પહેલી 3 ઈનિંગમાં ફેલ

ઈંગ્લેન્ડ સામેની પહેલી ટેસ્ટ મેચમાં કરુણ નાયરને ઘણા સમય પછી રમવાની તક મળી. નંબર 6 પર રમતા કરુણ નાયર પહેલી ઈનિંગમાં ખાતું પણ ખોલી શક્યો નહીં. બીજી ઈનિંગમાં તેને 20 રન બનાવીને સારી શરૂઆત કરી. એક સમયે નાયર મોટી ઈનિંગ તરફ આગળ વધી રહ્યો હતો, પરંતુ ખરાબ શોટ રમીને તે પેવેલિયન પાછો ફર્યો.

બીજી ટેસ્ટ મેચમાં કરુણ નાયરને ત્રીજા નંબર પર રમવાની તક મળી. જ્યાં પણ કરુણ નાયરને સારી શરૂઆત મળી. કરુણ નાયર ફરી એકવાર 31 રન બનાવીને સારી ફોર્મમાં જોવા મળી રહ્યો હતો. તે સમયે

બીજી ઈનિંગમાં મચાવવી પડશે ધૂમ

કરુણ નાયરને જો ત્રીજી ટેસ્ટ મેચમાં પોતાનું સ્થાન પાક્કું કરવું હોય, તો તેને બર્મિંગહામ ટેસ્ટ મેચની બીજી ઈનિંગમાં મોટો સ્કોર કરવો પડશે. કરુણ નાયર બીજી ઈનિંગમાં મોટો સ્કોર કરીને ટીમ ઈન્ડિયાની રાહ પણ ખતમ કરી શકે છે. ટીમ ઈન્ડિયા લાંબા સમયથી નંબર 3 બેટ્સમેનની શોધમાં છે. કરુણ નાયર પાસે આ સ્થાન સુરક્ષિત કરવાની તક છે. કરુણ નાયરે ઘરેલુ ક્રિકેટમાં સારું પ્રદર્શન કર્યું છે. જેના કારણે કેપ્ટન શુભમન ગિલ અને મુખ્ય કોચ ગૌતમ ગંભીર આ ખેલાડીમાં વિશ્વાસ રાખી રહ્યા છે.

ટીમ ઈન્ડિયામાં ત્રણ ફેરફાર

એજબેસ્ટન મેદાન પર ટીમ ઈન્ડિયાએ રમાનારી પોતાની પ્લેઈંગ ઈલેવનમાં ટીમમાં ત્રણ ફેરફાર કર્યા છે. જસપ્રીત બુમરાહને બીજી ટેસ્ટમાં આરામ આપવામાં આવ્યો છે જેથી તે પોતાના વર્કલોડને મેનેજ કરી શકે. જસપ્રીત બુમરાહની જગ્યાએ આકાશદીપને તક આપવામાં આવી છે. શાર્દુલ ઠાકુરને ટીમમાંથી બહારનો રસ્તો બતાવી દેવામાં આવ્યો છે અને ટીમ મેનેજમેન્ટે તેની જગ્યાએ નીતિશ કુમાર રેડ્ડી પર વિશ્વાસ દર્શાવ્યો છે. સાઈ સુદર્શનને પડતા મૂકીને વોશિંગ્ટન સુંદરને પ્લેઈંગ ઈલેવન ટીમમાં તક આપવામાં આવી છે.