Shubman Gillએ બેવડી સદી ફટકારીને તોડ્યા અનેક રેકોર્ડ, ભારતીય ટેસ્ટ ક્રિકેટના ઈતિહાસમાં પહેલીવાર થયો આવો ચમત્કાર

ભારત અને ઈંગ્લેન્ડ વચ્ચે બીજી ટેસ્ટ મેચ રમાઈ રહી છે. આ મેચમાં ઈંગ્લેન્ડના કેપ્ટન બેન સ્ટોક્સે ટોસ જીતીને પહેલા બોલિંગ કરવાનો નિર્ણય લીધો. આ પછી ભારત તરફથી યશસ્વી જયસ્વાલ, રવિન્દ્ર જાડેજા અને શુભમન ગિલે જોરદાર બેટિંગ કરી. ગિલે ઈંગ્લેન્ડના બોલરોને જોરદાર હેરાન કર્યા. તેને આખા મેદાનમાં સ્ટ્રોક રમ્યા અને બેવડી સદી ફટકારી.

શુભમન ગિલની ધમાકેદાર ઈનિંગ

બીજી ટેસ્ટ મેચના પહેલા દિવસે શુભમન ગિલ 114 રન બનાવીને અણનમ પરત ફર્યો. આ પછી તેને બીજા દિવસે પણ સારી બેટિંગ કરવાનું ચાલુ રાખ્યું. તેને ખરાબ બોલને બાઉન્ડ્રી સુધી પહોંચાડ્યા. તેને સારા બોલને માન આપ્યું. હવે તેને બેવડી સદી ફટકારી છે અને 222 રન બનાવ્યા પછી ક્રીઝ પર હાજર છે.

ભારતીય ટેસ્ટ ક્રિકેટના ઈતિહાસમાં આ પહેલી વાર છે જ્યારે કોઈ ભારતીય ટેસ્ટ કેપ્ટને ઈંગ્લેન્ડની ધરતી પર બેવડી સદી ફટકારી છે. ગિલ પહેલા કોઈ ભારતીય ટેસ્ટ કેપ્ટન ઈંગ્લેન્ડમાં બેવડી સદી ફટકારી શક્યો ન હતો. તેના પહેલા મોહમ્મદ અઝહરુદ્દીને 1990માં ઈંગ્લેન્ડમાં 179 રનની ઈનિંગ રમી હતી. પરંતુ હવે શુભમન ગિલે તેમનો રેકોર્ડ તોડી નાખ્યો છે અને આગળ નીકળી ગયો છે.

વિરાટ કોહલીની તૂટ્યો રેકોર્ડ

શુભમન ગિલ વિદેશી ધરતી પર સૌથી મોટી ટેસ્ટ ઈનિંગ રમનાર ભારતીય કેપ્ટન બની ગયો છે. શુભમન ગિલ પહેલા ભારતીય કેપ્ટન તરીકે વિદેશમાં સૌથી મોટી ઈનિંગ રમવાનો રેકોર્ડ વિરાટ કોહલીના નામે હતો. વિરાટ કોહલીએ 2016માં વેસ્ટ ઈન્ડીઝ સામે વેસ્ટ ઈન્ડીઝની જ ધરતી પર 200 રનની ઈનિંગ્સ રમી હતી, જ્યારે તે ટીમ ઈન્ડિયાનો કેપ્ટન હતો.

ટીમ ઈન્ડિયાની નજર મોટા સ્કોર પર

શુભમન ગિલ હાલમાં 222 રન બનાવ્યા બાદ ક્રીઝ પર હાજર છે. તેના સિવાય રવિન્દ્ર જાડેજાએ ટીમ માટે 89 રન બનાવ્યા છે. યશસ્વી જયસ્વાલે 87 રનની ઈનિંગ રમી છે. આ ખેલાડીઓના કારણે જ ભારતીય ટીમે અત્યાર સુધી 500 રન બનાવ્યા છે. ગિલ અને સુંદર હાલમાં ક્રીઝ પર હાજર છે. આ બંને ખેલાડીઓ ટીમને મોટા સ્કોર સુધી લઈ જવા માગે છે. ઈંગ્લેન્ડ માટે અત્યાર સુધીમાં ક્રિસ વોક્સે 2 વિકેટ લીધી છે, જ્યારે બ્રાઈડન કાર્સ, જોસ ટંગ, બેન સ્ટોક્સ અને શોએબ બશીરે 1-1 વિકેટ લીધી છે.