RCBએ કરી મોટી જાહેરાત, હોમ ગ્રાઉન્ડમાં રમશે IPLની ઓપનિંગ મેચ,કર્ણાટક સરકારે આપી મંજૂરી

કર્ણાટક સરકારે સુરક્ષા અને તૈયારીઓની સમીક્ષા કર્યા પછી બેંગલુરુના એમ.ચિન્નાસ્વામી સ્ટેડિયમમાં ઇન્ડિયન પ્રીમિયર લીગ (IPL) 2026 મેચોનું આયોજન કરવાની મંજૂરી આપી છે. સોમવારેના રોજ વિધાનસભા ખાતે યોજાયેલી બેઠકમાં આ નિર્ણય લેવામાં આવ્યો હતો. આ બેઠકમાં કર્ણાટકના ગૃહમંત્રી જી. પરમેશ્વરની અધ્યક્ષતામાં બેઠક યોજાઈ હતી. કર્ણાટક રાજ્ય ક્રિકેટ એસોસિએશન (KSCA), રોયલ ચેલેન્જર્સ બેંગ્લોર (RCB) અને DNA નેટવર્ક્સના પ્રતિનિધિઓ સાથે નિષ્ણાત સમિતિના સભ્યો હાજર રહ્યા હતા.

સુરક્ષા અને સંચાલન વ્યવસ્થા અંગે શું કહ્યું 

બેઠક દરમિયાન, નિષ્ણાત સમિતિએ સ્ટેડિયમની સુરક્ષા અને સંચાલન વ્યવસ્થા અંગે વિગતવાર અહેવાલ રજૂ કર્યો હતો. અહેવાલમાં સ્ટેડિયમની તૈયારીઓ, સુરક્ષા વ્યવસ્થાઓ અને અન્ય જરૂરી ધોરણોનું પાલન વિગતવાર દર્શાવવામાં આવ્યું હતું. અહેવાલની સમીક્ષા કર્યા પછી જી. પરમેશ્વરે સત્તાવાર રીતે IPL મેચોનું આયોજન કરવાની મંજૂરી આપી હતી.આ મંજૂરી બાદ, KSCAએ ગૃહમંત્રી જી. પરમેશ્વરનો આભાર વ્યક્ત કર્યો અને જણાવ્યું કે તેમના નેતૃત્વ અને સમર્થનથી આ નિર્ણય શક્ય બન્યો. એસોસિએશને સ્ટેડિયમની તૈયારીઓ અને માળખાગત સુવિધાઓની સમીક્ષા કરનારા નિષ્ણાત સમિતિના અધ્યક્ષ જી. એમ. મહેશ્વર રાવનો પણ આભાર માન્યો

ચિન્નાસ્વામી સ્ટેડિયમમાં IPL મેચોનું આયોજન કરવાની મંજૂરી

ભૂતપૂર્વ ભારતીય ક્રિકેટર વેંકટેશ પ્રસાદની આગેવાની હેઠળના એસોસિએશને રાજ્ય સરકાર, નિષ્ણાત સમિતિ અને અન્ય એજન્સીઓના સહયોગથી તમામ સલામતી અને સંચાલન ધોરણોનું પાલન કર્યું હતું. આ પછી જ ચિન્નાસ્વામી સ્ટેડિયમમાં IPL મેચોનું આયોજન કરવાની મંજૂરી આપવામાં આવી હતી.શેડ્યૂલ મુજબ, બેંગલુરુનું એમ. ચિન્નાસ્વામી સ્ટેડિયમ IPL 2026 સીઝનના ઓપનરનું આયોજન કરશે. વધુમાં, 5 એપ્રિલે રોયલ ચેલેન્જર્સ બેંગ્લોર (RCB) અને ચેન્નાઈ સુપર કિંગ્સ (CSK) વચ્ચેની હાઇ-વોલ્ટેજ મેચ પણ આ જ મેદાન પર રમાશે. આઈપીએલ 2026 માં આરસીબી ચિન્નાસ્વામી સ્ટેડિયમ ખાતે કુલ પાંચ ઘરેલું મેચ રમશે.આ ટીમની બાકીની બે ઘરેલું મેચ રાયપુરના શહીદ વીર નારાયણ સિંહ સ્ટેડિયમ ખાતે યોજાશે.

આ પણ વાંચો - IPL 2026: CSKમાં સંજુ સેમસન સહિત આ પાંચ ખેલાડીઓ કરશે ડેબ્યૂ