Sydney ટેસ્ટમાં બેન સ્ટોક્સ અને માર્નસ લાબુશેન વચ્ચે થઈ જોરદાર બોલાચાલી

ઓસ્ટ્રેલિયા અને ઈંગ્લેન્ડ વચ્ચે સિડનીમાં એશિઝ સિરીઝની પાંચમી ટેસ્ટ મેચ રમાઈ રહી છે. બીજા દિવસની રમત 5 જાન્યુઆરીએ પૂર્ણ થઈ. બીજા દિવસે ઈંગ્લેન્ડના કેપ્ટન બેન સ્ટોક્સ અને ઓસ્ટ્રેલિયન બેટ્સમેન માર્નસ લાબુશેન વચ્ચે જોરદાર બોલાચાલી થઈ.

આ ઘટના ત્રીજા સેશન દરમિયાન બની હતી, જ્યારે બંને ખેલાડીઓ વચ્ચે જોરદાર દલીલો વધી ગઈ હતી. આ ઘટનાનો એક વીડિયો સોશિયલ મીડિયા પર વાયરલ થઈ રહ્યો છે.

બેન સ્ટોક્સ અને માર્નસ લાબુશેન વચ્ચે થયો ઝઘડો

ઓવર પૂરી થયા પછી જ્યારે બેન સ્ટોક્સે માર્નસ લાબુશેનના ​​ખભા પર હાથ મૂક્યો અને તેની સાથે વાત કરી. આ દરમિયાન તે ખૂબ જ આક્રમક જોવા મળ્યો હતો. બંને વચ્ચે થોડીવાર દલીલ થઈ અને પછી અમ્પાયરે વચ્ચે આવીને પરિસ્થિતિ શાંત કરી. પરંતુ ત્યારબાદ માર્નસ લાબુશેને ખરાબ શોટ રમ્યો અને જેકબ બેથેલ દ્વારા કેચ આઉટ થયો. બેન સ્ટોક્સ સાથે માઈન્ડ ગેમ રમવાનું માર્નસ લાબુશેન માટે મોંઘુ સાબિત થયું.

આવી છે મેચની સ્થિતિ

પહેલી ઈનિંગમાં ઈંગ્લેન્ડે પહેલા બેટિંગ કરીને મોટો સ્કોર બનાવ્યો. ઈંગ્લેન્ડ તરફથી જો રૂટે સૌથી વધુ 242 બોલમાં 160 રન બનાવ્યા. હેરી બ્રુકે પણ 97 બોલમાં 84 રન બનાવ્યા. જેમી સ્મિથે પણ 76 બોલમાં 46 રન બનાવ્યા. ઈંગ્લેન્ડે 97.3 ઓવરમાં 384 રન બનાવ્યા. આ દરમિયાન ઓસ્ટ્રેલિયાએ બીજા દિવસની રમતના અંતે 34.1 ઓવરમાં 166/2 સુધી પહોંચી ગયું.

ટ્રેવિસ હેડ 87 બોલમાં 91 રન બનાવીને અણનમ રહ્યો, જ્યારે લાબુશેને 68 બોલમાં 48 રન બનાવ્યા. બીજા દિવસની રમતના અંતે ઓસ્ટ્રેલિયા 218 રન પાછળ છે. અત્યાર સુધી રમાયેલી 4 મેચમાં ઓસ્ટ્રેલિયાનું પલડું ભારે છે. ટીમે ત્રણ મેચ જીતી છે, જ્યારે ઈંગ્લેન્ડે 1 જીતી છે.

આ પણ વાંચો: Team Indiaની ન્યુઝીલેન્ડ સિરીઝ માટે જાહેરાત, કેપ્ટન ગિલ ફર્યો પરત, હાર્દિક અને બુમરાહ બહાર