T20 વર્લ્ડકપ 2026ના પાંચમી મેચમાં ઈંગ્લેન્ડે નેપાળને 4 રનથી હરાવ્યું. પ્રથમ બેટિંગ કરતા ઈંગ્લેન્ડે નેપાળ માટે 185 રનનો લક્ષ્યાંક રાખ્યો. એક સમયે એવું લાગતું હતું કે નેપાળ આ લક્ષ્ય સરળતાથી પ્રાપ્ત કરશે, પરંતુ તેમના બેટ્સમેનો છેલ્લી ઓવરમાં દબાણમાં આવી ગયા. નેપાળને છેલ્લા 6 બોલમાં જીતવા માટે 10 રનની જરૂર હતી, પરંતુ નેપાળ ટીમ ફક્ત 5 રન જ બનાવી શકી.
રોહિત પૌડેલે પોતાના ખેલાડીઓની પ્રશંસા કરી
આ હાર બાદ નેપાળના કેપ્ટન થોડા નિરાશ દેખાતા હતા, પરંતુ તેને પોતાના ખેલાડીઓની ખૂબ પ્રશંસા કરી. તેને અન્ય ટીમોને ચેતવણી આપતા કહ્યું કે તેમની ટીમ અહીં ફક્ત રમવા માટે નહીં, પરંતુ દરેક સાથે સ્પર્ધા કરવા માટે આવી છે. મેચ પછીના પ્રેઝન્ટેશન સમારોહમાં બોલતા નેપાળના કેપ્ટન રોહિત પૌડેલે કહ્યું કે "જ્યારે અમે નિરાશ છીએ, ત્યારે અમને અમારી ટીમ પર ખૂબ ગર્વ છે. છોકરાઓએ ઈંગ્લેન્ડ સામે જે રીતે રમ્યું તે પ્રશંસાની બહાર છે. તેઓ ખૂબ પ્રશંસાને પાત્ર છે.
મને લાગે છે કે જ્યારે અમે આજે મેદાનમાં ઉતર્યા, ત્યારે ટીમને એકમાત્ર સંદેશ એ હતો કે મેદાન પર 110% આપવાનો. અને મને લાગે છે કે છોકરાઓએ આ મેચમાં પોતાનું સર્વસ્વ આપ્યું. અને તે જ તેમને અલગ પાડે છે. મને તેમના પર ખૂબ ગર્વ છે. જ્યારે અમે આ વર્લ્ડ કપમાં આવ્યા હતા, ત્યારે અમારામાં આ વિશ્વાસ હતો. અમે અહીં ફક્ત રમવા માટે આવ્યા નહોતા. અમે સ્પર્ધા કરવા માંગતા હતા. અમારા ગ્રુપમાં આ વિશ્વાસ હતો કે જો અમે અમારું શ્રેષ્ઠ ક્રિકેટ રમીશું, તો અમે કોઈપણ ટીમને હરાવી શકીશું."
ડેથ બોલિંગમાં સુધારાની જરૂર છે: રોહિત પૌડેલ
રોહિતે વધુમાં કહ્યું કે આજે અમે અમારું શ્રેષ્ઠ ક્રિકેટ રમ્યા. મને લાગે છે કે, એકંદરે, જો તમે પરિણામ જુઓ તો તે અમારા મતે ન હતું ગયું. પરંતુ પ્રયાસની દ્રષ્ટિએ, હું ફિલ્ડિંગ, બોલિંગ અને બેટિંગમાં 100% આપીશ. પોતાની ડેથ બોલિંગ વિશે, તેને કહ્યું કે "મને લાગે છે કે આપણે તે ક્ષેત્રમાં સુધારો કરી શકીએ છીએ. મને લાગ્યું કે ઈંગ્લેન્ડને ડેથ બોલિંગમાં પણ સંઘર્ષ કરવો પડ્યો હતો. પરંતુ સેમ કરન છેલ્લી ઓવરમાં ખૂબ સારી બોલિંગ કરી. તેથી મને લાગ્યું કે ડેથ ઓવરમાં બોલિંગ કરવી બોલરો માટે મુશ્કેલ છે, ખાસ કરીને યોર્કર અને ધીમા બાઉન્સર ફેંકવા. તેથી મને લાગ્યું કે અમે ડેથ ઓવરમાં સારી બોલિંગ કરી નથી. મને લાગે છે કે આપણે ત્યાંથી સુધારો કરીશું."
રોહિત પૌડેલે નેપાળના ફેન્સનો માન્યો આભાર
રોહિત પૌડેલે નેપાળી ફેન્સ વિશે કહ્યું, "તેઓ ખૂબ જ ઉત્સાહી છે. જો તમે આજે જુઓ તો આખું કાઠમંડુ, આખું નેપાળ, અમને ટેકો આપવા માટે અહીં આવ્યું હતું અને તેમને અહીં જોઈને ખૂબ આનંદ થયો. તે અમને પ્રેરણા આપે છે. જ્યારે અમે મેદાન પર જઈએ છીએ, ત્યારે અમે તમારી આશાઓ અમારી સાથે લઈ જઈએ છીએ. અમે તમારો વિશ્વાસ અમારી સાથે લઈ જઈએ છીએ. મને લાગે છે કે અમે આજે અમારું સર્વસ્વ આપી દીધું છે, અને મને લાગે છે કે આખું નેપાળ અમારા પર ખૂબ ગર્વ કરશે."
આ પણ વાંચો: Pakistanની શાન આવી ઠેકાણે, ભારત સામે રમશે મેચ! શ્રીલંકાના આગ્રહ પર PCB સરકાર સાથે કરશે વાત
